Pune News : कोतवाली, (नगर) : बसस्थानकावर प्रवाशांचे दागिने चोरणाऱ्या टोळीला कोतवाली पोलिसांच्या पथकाने पाथर्डी शहरातून अटक केली आहे.(Pune News)
पोलिसांनी आरोपींना पाथर्डी शहरातून अटक केली आहे.
रोहन बाळ हंडाळ (वय २५, रा. हंडाळवाडी, पाथर्डी, ता. पाथर्डी जि. अहमदनगर), एकनाथ महादेव मासाळकर (वय ४२, रा. विजय नगर, पाथर्डी ता. पाथर्डी, जि. अहमदनगर) अशी अटक केलेल्या आरोपींची नावे आहेत.(Pune News)
कोतवाली पोलिस ठाण्याचे वरिष्ठ पोलीस निरीक्षक चंद्रशेखर यादव यांनी दिलेल्या माहितीनुसार, पुणे बसस्थानक येथून बसमध्ये चढताना १८ जूनला अंशुल नंदकुमार राऊत (वय – २७ वर्ष, रा. कांदीवली, मुंबई) या प्रवाशाची ५० हजार रुपये किमतीची सोन्याची चेन चोरीला गेली होती. अंशुल राऊत यांच्या फिर्यादीवरून कोतवाली पोलीस ठाण्यात गुन्हा दाखल करण्यात आला होता.(Pune News)
या गुन्ह्याचा तपास सुरू असताना चोरी करणारे आरोपी हे पाथर्डी शहरातील असल्याची माहिती पोलीस निरीक्षक चंद्रशेखर यादव यांना गुप्त बातमीदारामार्फत मिळाली होती. या माहितीच्या अनुषंगाने गुन्हे शोध पथकाला कारवाईच्या सूचना दिल्या. त्यानंतर कोतवाली पोलिसांनी आरोपींना पाथर्डी शहरातून अटक केली आहे.(Pune News)
दरम्यान, दोघांनी मिळून आणखी साथीदारांसह गुन्हा केल्याची कबुली दिली असून, चोरी गेलेला मुद्देमाल हस्तगत करण्यात आला आहे. अटक आरोपींवर यापूर्वी चोरीचे गुन्हे दाखल आहेत.(Pune News)
