Pune News : पुणे : अल्पवयीन मुलींचा विनयभंग करण्याच्या गुन्ह्यांमध्ये सातत्याने वाढ होत आहे. पुण्यातील नऱ्हेगाव येथे एक धक्कादायक घटना घडली आहे. सायकल चालवत असलेल्या सहा वर्षांच्या चिमुकलीच्या तोंडावर लघुशंका करुन तिचा विनयभंग केल्याचा प्रकार उघडकीस आला आहे. हा प्रकार रविवारी (ता. ८) दुपारी सव्वातीन ते साडेतीन वाजण्याच्या सुमारास अपार्टमेंटच्या पार्किंगमध्ये घडला.
नेपाळी तरुण अटकेत
या प्रकरणी नेपाळी तरुणावर सिंहगड रोड पोलीस ठाण्यात गुन्हा दाखल करुन अटक केली आहे. याबाबत पीडित मुलीच्या आईने सिंहगड रोड पोलिसांकडे फिर्याद दिली आहे. (Pune News) त्यानुसार पोलिसांनी शिवा भगवती चौधरी (वय-१८, रा. भजन नगरपालिका, ता. अंबारी, जि. कैलाली, नेपाळ) याच्यावर पोक्सो कलमानुसार गुन्हा दाखल करुन अटक केली आहे.
पोलिसांनी दिलेल्या माहितीनुसार, फिर्यादी यांची सहा वर्षांची मुलगी अपार्टमेंटच्या पार्कींगमध्ये सायकल चालवण्यासाठी गेली होती. त्यावेळी आरोपी शिवा चौधरी याने मुलीच्या तोंडावर लघुशंका केली. मुलीने घरी येऊन आईला सर्व प्रकार सांगितला. (Pune News) फिर्यादी यांनी पार्किंगमध्ये जाऊन पाहिले असता आरोपी बाथरुममधून बाहेर आला. त्यावेळी मुलीने आरोपीला ओळखले. यानंतर फिर्यादी यांनी पोलीस ठाण्यात धाव घेत आरोपीविरोधात फिर्याद दिली.
पोलिसांनी गुन्हा दाखल करुन आरोपीला अटक केली. पुढील तपास पोलीस उपनिरीक्षक सणस करीत आहेत.
अधिक बातम्या वाचण्यासाठी येथे क्लिक करा :
Pune News : रेल्वे सुरक्षा दलाच्या द्रोणा श्वानाची कमाल; पकडली ३२ किलो गांजाची तस्करी
Pune News : पिरंगुट येथे सातव्या मजल्यावरुन पडून तरुणाचा मृत्यू
Pune News : बोहरा समाजातील ज्येष्ठ सामाजिक कार्यकर्त्या डॉ. झैनब पूनावाला यांचे निधन
