Pune News : पुणे : भरे (ता. मुळशी) येथील सिमीत्सू पॅटर्न या कंपनीतील कर्मचाऱ्याचा सातव्या मजल्यावरुन पडून मृत्यू झाल्याची धक्कादायक घटना पिरंगुट येथे नुकतीच उघडकीला आली आहे. ही घटना सोमवारी (ता. ९) सकाळी साडेआठ ते नऊ वाजण्याच्या सुमारास घडली. दरम्यान, घटनेमागील नेमके कारण अद्याप स्पष्ट झालेले नाही. या घटनेचा तपास पोलीस करत आहेत.
घटनेमागील नेमके कारण अद्याप अस्पष्ट
या घटनेबाबत मिळालेल्या अधिक माहितीनुसार, अमित महालिंग आवळे (वय ३७, सध्या रा. अर्बनग्राम सोसायटी, एच विंग, पिरंगुट, मूळ रा. गांधी चौक, किसान गल्ली, शिरुर अनंतपाळ, लातूर) असे या अपघातात मृत्यू झालेल्या तरुणाचे नाव आहे. (Pune News) आवळे हे कंपनीत काम करुन, पिरंगुट परिसरात घरोघरी वर्तमानपत्रे टाकण्याचे काम करत होते. पिरंगुट येथे ते पत्नी, मुलगा व मुलगी अशा चौकोनी कुटुंबासह राहत होते.
दरम्यान, या घटनेबाबत तत्काळ पोलिसांना माहिती देण्यात आली. घटनेची माहिती मिळताच पोलीस घटनास्थळी दाखल झाले. त्यांनी घटनास्थळाचा पंचनामा केला. (Pune News) त्यानंतर तरुणाचा मृतदेह शवविच्छेदनासाठी पाठवण्या आला. या घटनेचा पुढील तपास पोलीस करीत आहेत.
अधिक बातम्या वाचण्यासाठी येथे क्लिक करा :
Pune News : बोहरा समाजातील ज्येष्ठ सामाजिक कार्यकर्त्या डॉ. झैनब पूनावाला यांचे निधन
