पुणे : अल्पवयीन मुलीला रस्त्यात अडवून, शारीरिक संबंधाची मागणी केल्याचा धक्कादायक प्रकार धानोरी परिसरातून उघडकीस आला आहे. याप्रकरणी २६ वर्षांच्या तरुणावर विनयभंगासह पॉक्सो कायद्यानुसार गुन्हा दाखल केला आहे. हा प्रकार सप्टेंबर २०२२ पासून सुरु होता.
याबाबत १३ वर्षीय मुलीच्या आईने (वय ३७) विश्रांतवाडी पोलीस ठाण्यात बुधवारी (ता. १३) फिर्याद दिली आहे. पोलिसांनी शुभम राम पवार (वय-२६, रा. मुंजाबा वस्ती, धानोरी) याच्यावर पॉक्सो कायद्यांतर्गत गुन्हा दाखल केला आहे.
पोलिसांनी दिलेल्या माहितीनुसार, आरोपीने फिर्यादीच्या घरी जाऊन त्यांच्या १३ वर्षांच्या अल्पवयीन मुलीसोबत अश्लील चाळे केले. मुलीला वेळोवेळी रस्त्यात अडवून तिच्याकडे शारीरिक संबंध ठेवण्यासाठी धमकी दिली. याबाबत पीडित मुलीच्या आईने दिलेल्या तक्रारीवरुन पोलिसांनी आरोपीवर गुन्हा दाखल केला आहे.
