Pune News : पुणे : खडक पोलीस ठाण्याच्या हद्दीत घरात घुसून झोपेलेल्या व्यक्तीवर दोन अज्ञातांनी गोळीबार केल्याची घटना घडली असून या गोळीबारात एका व्यक्तीचा मृत्यू झाला आहे. रविवारी (ता. २९) मध्यरात्री हि घटना घडली आहे.
सिंहगड गॅरेज चौकात घडली घटना
अमित साहू असे गोळीबारात मृत्यू झालेल्या व्यक्तीचे नाव आहे. हि घटना शहरातील खडक परिसरातील सिंहगड गॅरेज चौकात घडली आहे. (Pune News) या घटनेमुळे परिसरात खळबळ उडाली असून नागरिकांमध्ये भीतीचं वातावरण पसरले आहे.
मिळालेल्या माहितीनुसार अनिल साहू हा पुण्यातील खडक परिसरात राहतो. अनिल साहू रविवारी मध्यरात्रीच्या सुमारास गाढ झोपेत होता. यावेळी दोन अज्ञात हल्लेखोरांनी घरात घुसून अनिल साहूवर एकापाठोपाठ एक तीन गोळ्या झाडल्या. (Pune News) यामध्ये साहू याचा मृत्यू झाला. स्थानिकांनी संबधित घटनेची माहिती पोलिसांना कळवली. माहिती मिळताच खडक पोलिसांनी तातडीने घटनास्थळी धाव घेतली.
दरम्यान, याप्रकरणी अज्ञात हल्लेखोरांविरोधात गुन्हा दाखल करण्यात आला आहे. (Pune News) सध्या आरोपी फरार झाले असून पोलिसांकडून त्याचा शोध घेतला जात आहे.
अधिक बातम्या वाचण्यासाठी येथे क्लिक करा :
Pune News : विद्यापीठात प्राध्यापक असल्याच्या बतावणीने तरुणीचा विनयभंग; गुन्हा दाखल
