Pune News : पुणे, ता. 25 : शिरूर पोलीस ठाण्याच्या हद्दीत ‘पोर्टर’ या डिलिव्हरी ॲपचा वापर करून अमली पदार्थाची विक्री करणाऱ्या आरोपींना शिरूर पोलीस व स्थानिक गुन्हे शाखेच्या पथकाने अटक केली. पोलिसांनी संयुक्त कारवाई करत 47.60 ग्रॅम ‘एम.डी.’ (M.D.) या अमली पदार्थासह, दोन चारचाकी वाहने, असा 21 लाख 52 हजार रुपयांचा मुद्देमाल जप्त करण्यात आला असल्याची माहिती जिल्हा पोलीस अधीक्षक संदीप सिंह गिल्ल यांनी दिली. Pune News
विशाल मारूती मोरे, (वय -20, रा. बाफनामळा, शिरूर ता. शिरूर), प्रतीक संतोष लंघे, (वय 25, रा. करडे, ता. शिरूर), मिथुन विजयपाल सिंग, वय 26, रा. रामलिंग रोड, सावतामाळी नगर, शिरूर, ता. शिरूर) असे अटक करण्यात आलेल्या आरोपींची नावे आहेत. Pune News
जिल्हा पोलीस अधीक्षक संदीप सिंह गिल्ल यांनी दिलेल्या माहितीनुसार, केंद्र सरकारच्या ‘नशामुक्त भारत अभियाना’तर्गत पुणे ग्रामीण पोलिसांनी अंमली पदार्थ तस्करांविरुद्ध मोठी मोहीम उघडली आहे. 17 एप्रिलला स्थानिक गुन्हे शाखेचे पथक शिरूर परिसरात गस्तीवर असताना त्यांना विश्वसनीय माहिती मिळाली की, न्हावरा फाटा ते बाबुरावनगर रोडवरील शिवसाईलिला मंगल कार्यालयासमोर दोन चारचाकी गाड्यांमध्ये काही इसम ड्रग्ज विक्रीसाठी थांबले आहेत. अशी माहिती मिळाली होती. माहिती मिळताच उपविभागीय पोलीस अधिकाऱ्यांच्या आदेशानुसार पोलिसांनी पंचांसह घटनास्थळी छापा टाकला. Pune News
मिळालेल्या माहितीनुसार पोलिसांनी घटनास्थळावरून तीन तरुणांना ताब्यात घेतले त्यांच्याकडे चौकशी केली असता त्यांनी सदरची नावे ही विशाल मोरे, प्रतीक लंघे व मिथुन सिंग अशी सांगितली. आरोपींची कसून चौकशी केली असता, ड्रग्ज सप्लाय करणाऱ्या मुख्य सूत्रधाराने ‘पोर्टर’ या डिलिव्हरी ॲपचा वापर करून मालाची डिलिव्हरी केल्याचे निष्पन्न झाले आहे. यांच्याकडून एकूण 47.60 ग्रॅम ‘एम.डी. आणि दोन चारचाकी वाहने असा एकूण 21 लाख 52 हजार रुपयांचा मुद्देमाल हस्तगत करण्यात आला आहे. Pune News
कुरिअर आणि डिलिव्हरी सेवांचा ड्रग्ज तस्करीसाठी होणारा हा गैरवापर रोखण्यासाठी पोलिसांनी आता कंबर कसली आहे. पोर्टरद्वारे ड्रग्ज मागवणाऱ्या इतर व्यक्तींचे रक्ताचे नमुने तपासणीसाठी पाठवण्यात आले असून, या रॅकेटमधील मुख्य आरोपीचा शोध सुरू आहे. पुणे ग्रामीणचे पोलीस अधीक्षक संदीप सिंह गिल्ल यांनी पदभार स्वीकारल्यापासून अमली पदार्थ आणि अवैध धंद्यांविरुद्ध आक्रमक पवित्रा घेतला आहे. “युवकांना नशेच्या विळख्यातून बाहेर काढण्यासाठी अशा कारवाया यापुढेही सुरूच राहतील,” असा इशारा त्यांनी दिला आहे. Pune News
सदरची कामगिरी सदरची कामगिरी स्थानिक गुन्हे शाखेचे पोलीस निरीक्षक प्रमोद क्षीरसागर, शिरूरचे पोलीस निरीक्षक संदेश केंजळे, स्थानिक गुन्हे शाखेचे सहायक पोलीस निरीक्षक राहुल गावडे, उपनिरीक्षक अभिजीत सावंत, शुभम चव्हाण, पोलीस अंमलदार तुषार पंदारे, जनार्दन शेळके, संजू जाधव, सागर धुमाळ, राजू मोमीण, सागर नामदास, तुषार भोईटे, संतोष भापकर, गणेश धनवे, अमोल शेडगे, मंगेश भगत, सचिन घाडगे, अजित भुजबळ, राहुल पवार शिरूर पोलीस ठाण्यातील पोलीस अंमलदार सचिन भोई, नितेश थोरात, अंबादास थोरे यांनी केली असून सदर गुन्हयाचा पुढील तपास शिरूर पोलीस करीत आहेत. Pune News
