Pune News लोणी काळभोर , ता. ५ : शेवाळेवाडी (ता. हवेली) येथील कोहिनूर व्हिलेज सोसायटीमध्ये घरफोडीचा प्रयत्न नागरिकांनी उधळून लावला. सोमवारी (ता.4) मध्यरात्रीच्या सुमारास संशयास्पद हालचाली लक्षात येताच स्थानिकांनी तत्काळ धाव घेत चोरट्याला रंगेहात पकडले. संतप्त नागरिकांनी त्याला चांगलाच चोप दिल्यानंतर पोलिसांच्या ताब्यात दिले. Pune News
मिळालेल्या माहितीनुसार, सोसायटी परिसरात चार अनोळखी इसम घरफोडीच्या उद्देशाने फिरत असल्याचे काही रहिवाशांच्या निदर्शनास आले. यावेळी चोरट्यांनी एका घरात शिरण्याचा प्रयत्न केला. मात्र, सतर्क नागरिकांनी त्वरित एकत्र येत पाठलाग करून एका चोरट्याला पकडले, तर इतर तीन जण पळून जाण्यात यशस्वी झाले. या घटनेनंतर काही काळ परिसरात तणावाचे वातावरण निर्माण झाले होते. संतापाच्या भरात नागरिकांनी पकडलेल्या चोरट्याला मारहाण केली. Pune News
दरम्यान, घटनेची माहिती मिळताच पोलीस घटनास्थळी दाखल झाले आणि संबंधित इसमाला ताब्यात घेतले. पोलिसांकडून त्याची चौकशी सुरू असून, तो एकटाच आहे की यामागे मोठे जाळे आहे, याचा तपास केला जात आहे. तसेच, परिसरात यापूर्वी घडलेल्या घरफोड्यांशी त्याचा काही संबंध आहे का, याचीही पडताळणी केली जात आहे. Pune News
या घटनेमुळे शेवाळेवाडी परिसरातील नागरिकांनी दाखवलेली एकजूट आणि सतर्कता कौतुकास्पद ठरत आहे. मात्र, अशा प्रसंगी कायदा हातात न घेता त्वरित पोलिसांना कळवावे, असे आवाहन प्रशासनाकडून करण्यात आले आहे. Pune News
