Pune News : पुणे : तरुणावर तीक्ष्ण शस्त्राने वार करुन खून करण्यात आल्याची धक्कादायक घटना नुकतीच वडगाव शेरी परिसरात घडली. दरम्यान, तरुणाचा खून पूर्ववैमनस्यातून झाल्याची शक्यता पोलिसांनी व्यक्त केली आहे. मात्र, अद्याप तरुणाच्या खुनामागील नेमके कारण समजू शकले नाही.
चंदननगर पोलीस ठाण्यात गुन्हा दाखल
याबाबत मिळालेल्या अधिक माहितीनुसार, अभिषेक राठोड (वय ३१) असे खून झालेल्या तरुणाचे नाव आहे. याप्रकरणी चंदननगर पोलीस ठाण्यात गुन्हा दाखल करण्यात आला आहे. (Pune News) अभिषेक राठोड हा बुधवारी (ता. १) रात्री वडगाव शेरीतील ब्रम्हा सनसिटी सोसायटी परिसरातून निघाला होता. त्याचदरम्यान हल्लेखोरांनी त्याला अडवून राठोड याच्यावर कोयत्याने सपासप वार केले.
हल्ला झाल्यानंतर घटनास्थळावर तातडीने चंदननगर पोलीस ठाण्यातील अधिकाऱ्यांनी धाव घेतली. अभिषएक राठोड याला तातडीने रुग्णालयात दाखल करण्यात आले. (Pune News) मात्र, दूर्दैवाने उपचारांपूर्वीच त्याचा मृत्यू झाला. पूर्ववैमनस्यातून राठोड याचा खून झाल्याची शक्यता पोलिसांनी व्यक्त केली आहे. पसार झालेल्या हल्लेखोरांचा शोध घेण्यात येत आहे.
अधिक बातम्या वाचण्यासाठी येथे क्लिक करा :
Pune News : मराठा आंदोलनामुळे लालपरीला सक्तीची विश्रांती; आतापर्यंत एसटीचे २० कोटींचे नुकसान
Pune News : तृतीयपंथीयांचा कात्रज पोलीस चौकीत गोंधळ; पोलिसांनाही धक्काबुक्की
