Pune News : लष्करात सेवेत असणाऱ्या सुरक्षारक्षकासह नाईक असलेल्या दोघांना तीन चोरट्यांनी चाकूचा धाक दाखवून लुटले. या चोरट्यांनी त्यांच्याकडील रोकड व मोबाईल जबरदस्तीने चोरुन नेला. ही घटना घोरपडी येथील सोपानबागेजवळील छोटा कॅनॉल रस्त्यावर शनिवारी (दि.8) रात्री नऊच्या सुमारास घडली.(Pune News)
तीन चोरट्यांनी चाकूचा धाक दाखवून लुटले.
याप्रकरणी परशुराम बसप्पा नागराळ (वय 39, रा. आर्मी स्पोर्ट इन्स्टिट्युट, मुंढवा) यांनी वानवडी पोलीस ठाण्यात फिर्याद दिली. त्यानुसार, पोलिसांनी तिघा जणांवर जबरी चोरीचा गुन्हा दाखल केला आहे. फिर्यादी हे स्पोर्ट इन्स्टिट्युट मुंढवा येथे चालक म्हणून नोकरीला आहेत. ते सायकलवरुन घरी जात होते. तेव्हा एका सुरक्षारक्षकाला तिघे जण पकडून मारत होते. फिर्यादीला पाहून त्यांच्यातील एकाने दगड उचलून त्यांच्या पाठीत मारला. त्यानंतर तिघांनी फिर्यादी यांना पकडून त्यांची सायकल कॅनॉलमध्ये फेकून दिली. त्यांना चाकूचा धाक दाखवून त्यांच्याकडील मोबाईल हिसकावून घेतला. त्यांच्या मोबाईलचा पासवर्ड देण्यास भाग पाडले.(Pune News)
तसेच सुरक्षारक्षक मोहीत छोटेलाल साकेत यांना हाताने मारहाण करुन त्यांच्याकडील मोबाईल व दीडशे रुपये जबरदस्तीने काढून घेऊन तिघे जण पळून गेले. दरम्यान, या प्रकरणाचा तपास पोलीस उपनिरीक्षक शितोळे करत आहेत.(Pune News)
