Pune News : उरुळी कांचन, (पुणे) : पुणे – सोलापूर महामार्गावरील बोरीऐंदी (ता. दौंड) ग्रामपंचायत हद्दीत दुचाकीस्वाराने पाठीमागून ट्रक्टरला दिलेल्या धडकेत दोघेजण गंभीर जखमी झाल्याची घटना घडली आहे. बुधवारी (ता. १९) दुपारी पाऊणे तीन वाजण्याच्या सुमारास हि घटना घडली आहे.(Pune News)
पुण्याकडे जाणाऱ्या ट्रक्टरला दुचाकीचालकाने जोरात धडक दिली.
आकाश राठोड (वय-२५ ) व सुरेश राठोड (वय -३९, रा दोघेही कर्नाटक) अशी गंभीर जखमी झालेल्या दोघांची नवे आहेत.मिळालेल्या माहितीनुसार, आकाश राठोड व सुरेश राठोड हे दोघेजण चुलत भाऊ आहेत. ते दोघेही त्यांच्या दुचाकीवरून सोलापूरच्या बाजूकडून पुण्याच्या बाजूकडे निघाले होते.(Pune News)
बोरीऐंदी (ता. दौंड) ग्रामपंचायत हद्दीत आले असता पुण्याकडे जाणाऱ्या ट्रक्टरला दुचाकीचालकाने जोरात धडक दिली. यामध्ये आकाश याच्या डोक्याला, हाताला मोठी जखम झाली आहे. तर सुरेश राठोड याचा एक पाय मोडला असून एका पायाला गंभीर दुखापत झाली आहे.(Pune News)
दरम्यान, सदर अपघाताची माहिती मिळताच लाईफ केयरच्या रुग्णवाहिकेचे चालक ओंकार शिंगोटे व किरण कदम यांनी जखमींना उरुळी कांचन येथील श्री गणराज हॉस्पिटल या ठिकाणी उपचारासाठी दाखल करण्यात आले आहे.(Pune News)
