Pune News : पुणे : पुणे आणि परिसरात चोरीच्या घटनांमध्ये वाढ झाल्याचे निदर्शनास येत आहे. मार्केट यार्ड भागातील एका बंगल्यातून चोरट्यांनी १५ लाख रुपयांचा ऐवज चोरुन नेल्याची घटना उघडकीस आली. याबाबत एका व्यावसायिकाने मार्केट यार्ड पोलीस ठाण्यात फिर्याद दिली आहे.
मार्केट यार्ड पोलीस ठाण्यात फिर्याद
याबाबत मिळालेल्या माहितीनुसार, तक्रारदार दूग्ध व्यावसायिक असून, त्यांचा मार्केट यार्ड भागातील संदेशनगर परिसरात बंगला आहे. (Pune News ) व्यावसायिक आणि त्यांची पत्नी सोमवार पेठेतील नातेवाईकांकडे अधिक मासानिमित्त जेवण करण्यासाठी गेले होते. हीच संधी साधून चोरट्यांनी बंगल्याचा दरवाजा उचकटून आत प्रवेश केला.
दरम्यान, चोरट्यांनी घरातील रोकड आणि सोन्याचे दागिने असा १५ लाख रुपयांचा ऐवज चोरुन नेला. दाम्पत्य घरी परतले तेव्हा शयनगृहातील कपाट उचकटून चोरट्यांनी ऐवज लांबविल्याचे उघडकीस आले.
या घटनेची माहिती मिळताच पोलिसांनी घटनास्थळी धाव घेतली. (Pune News ) पोलिसांनी बंगल्याच्या परिसरातील सीसीटीव्ही कॅमेऱ्यांनी केलेले चित्रीकरण तपासासाठी ताब्यात घेतले असून, सहायक पोलीस निरीक्षक कांबळे या घटनेचा अधिक तपास करत आहेत.
अधिक बातम्या वाचण्यासाठी येथे क्लिक करा :
Pune News : पुण्यात दहशत माजविणाऱ्या गुंड टोळीविरुद्ध मोक्का; आयुक्तांची मोठी कारवाई
