Pune Crime : पुणे : औषधाच्या गोळीमधून महिलेला ब्लेड खायला घालून तिच्या खुनाचा प्रयत्न केल्याप्रकरणी नराधम पतीला उत्तमनगर पोलिसांनी अटक केली आहे. सोमनाथ साधू सपकाळ (वय ४५, रा. उत्तमनगर) असे अटक केलेल्या पतीचे नाव आहे.
याबाबत मिळालेल्या माहितीनुसार, याप्रकरणी छाया सोमनाथ सपकाळ (वय ४२) यांनी उत्तमनगर पोलीस ठाण्यात फिर्याद दिली आहे. पोलिसांनी दिलेल्या माहितीनुसार, पती सोमनाथ हा पत्नी छाया यांच्या चारित्र्यावर सतत संशय घेत होता. त्यांचा छळ करत होता. कौटुंबिक कारणाने देखील त्यांच्यात अनेकदा वाद होत असत.
दरम्यान, काही महिन्यांपूर्वी सोमनाथच्या भावाने मद्य प्राशन केले होते. त्यावेळी छायाने सोमनाथशी वाद घालून त्याला घरी दारु प्यायला बोलावू नका, असे सांगितले होते. या कारणावरुन त्यांच्यात जोरदार वाद झाला होता. याच रागातून सोमनाथने ओैषधी गोळ्यांमध्ये ब्लेड टाकून त्या गोळ्या पत्नी छाया यांना दिल्या.
छाया यांनी ब्लेड गिळाल्याने त्यांना त्रास झाला. त्यांनी याबाबत पोलिसांकडे तक्रार दिली. पत्नीचा शारीरिक आणि मानसिक छळ करणे, तसेच खुनाचा प्रयत्न केल्याप्रकरणी पोलिसांनी सोमनाथला अटक केली आहे. पोलीस उपनिरीक्षक पवार या घटनेचा अधिक तपास करत आहेत. of a woman swallowing a blade Murderous arrested
