पुणे : कर्वे रस्त्यावरील गरवारे महाविद्यालयाजवळ दोन दृष्टिहीन विद्यार्थ्यांना पीएमपीएमएल बसने उडवल्याची घटना मंगळवारी (ता. ३१) सकाळी अकरा वाजण्याच्या सुमारास घडली आहे.
मयुरी गरड आणि वैभव क्षीरसागर अशी त्या दोन विद्यार्थ्यांची नावे आहेत.
या अपघातात ते दोघे गंभीर जखमी झाले असून सह्याद्री रुग्णालयात पुढील उचारासाठी दाखल करण्यात आले आहे.
मिळालेल्या माहितीनुसार, मयुरी व वैभव हे दोघेजण गरवारे महाविद्यालय येथे शिक्षण घेत आहेत. सकाळी अकरा वाजण्याच्या सुमारास मयुरी आणि वैभव हे दोघे रस्ता ओलांडताना बसने त्यांना उडवले. त्यामध्ये हे दोघे गंभीर जखमी झाले असून त्यांना तातडीने सह्याद्री रुग्णालयात दाखल करण्यात आले आहे. त्यांच्यावर उपचार सुरु असून लवकरच प्रकृतीबाबत कळवण्यात येईल असे डॉक्टरांनी सांगितले आहे.
दरम्यान, पीएमपीएमएल त्यांचा उपचाराचा संपूर्ण खर्च करणार असल्याचे पीएमपीएमएल प्रशासनाच्या वतीने सांगण्यात आले आहे.
