Pune Crime | पुणे : पुण्यातील एका महिलेचे व तिच्या आईचे फोटो मॉर्फकरून त्याद्वारे अश्लील प्रोफाईल करून त्यांची बदनामी करण्यात आल्याचा प्रकार समोर आला आहे.
त्यांचे हे प्रोफाईल मित्र व त्यांच्या सोशल मिडीयावरील फॉलोअर्संना पाठविले आहेत. हा प्रकार त्यांच्या लक्षात आल्याने त्यांनी विचारणा केली असता त्यांच्याकडे वेगवेगळ्या रक्कमा मागितल्याचा धक्कादायक प्रकार उघडकीस आला आहे.
१ ते १७ मार्च दरम्यान घडला प्रकार…
याप्रकरणी कोथरूड पोलीस ठाण्यात ४८ वर्षीय महिलेने तक्रार दिली आहे. त्यानूसार, सिद्धु गुर्जर व इतर एका अनोळखी व्यक्तीवर गुन्हा नोंद करण्यात आला आहे. १ ते १७ मार्च दरम्यान हा प्रकार घडला आहे.
मिळालेल्या माहितीनुसार,तक्रारदार स्टार मेकर हे अ‍ॅप वापरतात. त्यारम्यान दोघांनी त्यांच्या प्रोफाईलवरून मुलीचा व त्यांचा फोटो घेऊन तो मॉर्फ केला. तसेच, वेगवेगळे अश्लील प्रोफाईल बनविले. त्यानंतर त्यांच्या ओळखीतील व स्टार मेकर अ‍ॅपवरील फॉलोअर्स यांना हे अश्लील प्रोफाईल पाठविले व त्यांची बदनामी केली. त्यानंतर त्यांना पैसे मागितले.
पैसे न दिल्यास अशाच प्रकारे प्रोफाईल बनविले जातील अशी धमकीही दिली. पुढील तपास पोलीस करत आहेत.
अधिक बातम्या वाचण्यासाठी येथे क्लिक करा…
Breaking News | मुंबई -पुणे एक्सप्रेस वेवर भीषण अपघात ; तिघांचा जागेवरच मृत्यू..!
