Pune Crime News : पुणे-मिरज रेल्वे मार्गावरील वाल्हे येथे रेल्वे रुळालगत एका अनोळखी ६० वर्षीय व्यक्तीचा (Pune Crime News) मृतदेह आढळून आला आहे. यामुळे परिसरात खळबळ उडाली आहे.
मंगळवारी (ता. १४) सकाळी महर्षी वाल्मिकी विद्यालयासमोरील रस्त्याच्या बाजूला हा मृतदेह आढळून आला आहे.हा अपघात आहे की घातपात याविषयी उलटसुलट चर्चा वाल्हे नीरा परिसरात जोर धरू लागली आहे.
रेल्वे पोलिसांनी दिलेल्या माहितीनुसार, मंगळवारी सकाळी महर्षी वाल्मिकी विद्यालयासमोरील रस्त्याच्या पलिकडील रेल्वे रुळालगत एक ६० वर्षीय व्यक्तीचा मृतदेह आढळून आल्याची माहिती स्थानिकांनी दिली.
जेजुरी पोलीसांशी संपर्क करण्याचे आवाहन…
घटनास्थळी दाखल होत पाहणी केली असता, मृत व्यक्तीच्या अंगावर पांढरा शर्ट, पायजामा, गांधी टोपी, गळ्यात लाल गोप असा पेहरावा आहे. ही आत्महत्या आहे की अपघात याचा पोलिसांकडून शोध घेतला जात आहे.
दरम्यान, परिसरातील कोणाच्या परिवारातील व्यक्ती घर सोडून गेली असल्यास त्यांनी जेजुरी पोलीसांशी संपर्क करण्याचे आवाहन नीरा रेल्वे पोलीसांनी केले आहे.
