(Pune crime News) पुणे : शहरात धुलीवंदन (dhulivandan)सण मोठ्या उत्साहात साजरा केला जात असताना या सणाला गालबोट लागल्याचा प्रकार समोर आला आहे. धुलीवंदनानिमित्त कलर घेऊन जाणाऱ्या दोन तरुणांना (youngman)अडवून त्यांना मारहाणकरत चौघांच्या टोळक्याने परिसरात दहशत माजवली.
पुण्यातील ताडीवाला रस्त्यावरील प्रकार…
ताडीवाला रस्त्यावर (tadiwala road) दुपारी हा प्रकार घडला. त्यामुळे काही काळ परिसरात तणावाचे वातावरण झाले होते.याप्रकरणी शुभम रघुनाथ मोरे (वय २४) यांनी बंडगार्डन पोलीस ठाण्यात तक्रार दिली आहे. तक्रारीवरून पोलीसांनी चौघांवर गुन्हा नोंद केला आहे. त्यापैकी साहील उर्फ सल्या कांबळे व किशोर पात्रे यांना अटक केली आहे. तर, दोघांचा शोध सुरू केला आहे.
मिळालेल्या माहितीनुसार, तक्रारदार व या आरोपींची ओळख आहे. शुभम आणि त्याचा मित्र दुचाकीवरून कलर घेऊन रंग खेळण्यासाठी निघाले होते. त्यादरम्यान या आरोपींनी त्यांची दुचाकी आडवली व चावी काढून घेतली.
शुभमने चावी काढल्याने त्याला जाब विचारला असता आम्हाला जाब विचारतो का म्हणत त्यांना लोखंडी रॉड व दांडक्याने मारहाण केली. त्यानंतर या टोळक्याने परिसरात लाकडी बांबू व रॉड हवेत फिरवून परिसरात दहशत माजवली. पुढील तपास पोलीस करत आहेत.
अधिक बातम्या वाचण्यासाठी येथे क्लिक करा…
Pune Crime News : गर्लफ्रेंडला मारल्याच्या संशयावरून अल्पवयीन मुलावर अनैसर्गिक अत्याचार
Pune Crime : मोक्का तील गुन्हेगाराची चौघांकडून निर्घृण हत्या ; कर्वेनगर परिसरातील घटना..!
