Pune Crime News : पुणे, : आईचा दीर्घ आजार ‘दैवीशक्ती’ आणि ‘अंगारा’ देऊन बरा करतो, असे खोटे आमिष दाखवून एका निष्पाप अल्पवयीन मुलीचे लैंगिक शोषण करणाऱ्या दोन नराधम भोंदू बाबांना आळेफाटा पोलिसांनी अटक केली आहे. या अघोरी प्रकारामुळे जुन्नर तालुक्यात संतापाची लाट उसळली आहे.
येडगाव (ता. जुन्नर) येथील आरोपी पंकज देवराम घोलप आणि नाना बर्डे यांनी पीडित मुलीच्या आईच्या आजारपणाचा गैरफायदा घेण्यास सुरुवात केली. पंकज घोलप याने स्वतःमध्ये ‘दैवीशक्ती’ असल्याचे भासवले आणि अंगारा देऊन आईला बरे करण्याचे आश्वासन दिले. या बहाण्याने त्याने पीडितेशी जवळीक साधली आणि लग्नाचे आमिष दाखवून जानेवारी ते डिसेंबर 2025 या कालावधीत तिच्यावर वारंवार अत्याचार केले. Pune Crime News
या सततच्या शोषणातून पीडित मुलगी गर्भवती राहिली. ही बाब समोर आल्यानंतर जेव्हा तिने लग्नासाठी विचारणा केली, तेव्हा पंकज घोलपने लग्नास स्पष्ट नकार दिला. इतकेच नव्हे तर, कोणाला काही सांगितल्यास जिवंत सोडणार नाही, अशी धमकीही त्याने पीडितेला दिली.आपली फसवणूक झाल्याचे आणि जिवाला धोका असल्याचे लक्षात येताच पीडितेने हिंमत एकवटून आळेफाटा पोलीस ठाण्यात तक्रार दिली. Pune Crime News
दरम्यान, पोलिसांनी या घटनेचे गांभीर्य ओळखून पंकज घोलप आणि नाना बर्डे या दोघांविरुद्ध पोक्सो (POCSO) व महाराष्ट्र जादूटोणा प्रतिबंधक कायदा यांच्या विविध गंभीर कलमान्वये गुन्हे दाखल केले आहेत. पोलिसांनी दोन्ही आरोपींना अटक केली असून, न्यायालयाने त्यांना सोमवारपर्यंत पोलीस कोठडी सुनावली आहे. Pune Crime News
