Pune Crime News धायरी (पुणे) : वाईन शॉप मालकाच्या हातून पैशांची बॅग हिसकावून घेऊन जाण्याचा प्रयत्न दोन चोरट्यांनी केला मात्र, कामगार आणि नागरिक जमा झाल्याने लुटारूंनी हवेत गोळीबार करून पलायन केल्याची घटना घडली. ही घटना नऱ्हे येथील नवले हॉस्पिटलच्या पाठीमागील गेट जवळील हिरो वाईन्स परिसरात घडली.
याबाबत तुकाराम सोपान इंगळे ( वय ५७, रा. शिवणे, पुणे ) यांनी सिंहगड रस्ता पोलीस ठाण्यात दोन अज्ञात लुटारूंविरोधात तक्रार दिली आहे.
पोलिसांनी दिलेल्या माहितीनुसार..!
तुकाराम इंगळे यांच्या मालकीचे नऱ्हे परिसरात हिरो वाईन्स या नावाने वाईन्स शॉप आहे. रविवारी रात्री अकरा वाजण्याच्या सुमारास ते दुकान बंद केले होते. दुकान बंद करून आपल्या गाडीत बसत असताना धायरी फाट्याच्या दिशेने एका दुचाकीवर अनोळखी दोघेजण आले.
तरुणांनी दुचाकीवरून खाली उतरले व इंगळे यांच्याजवळ येवून त्यांच्या हातातील पिस्तुलाचा धाक दाखवून बॅगेतील दोन लाख एकोणीस हजारांची रोकड हिसकावून जबरी चोरी करण्याचा प्रयत्न केला. परंतु इंगळे यांनी ती बॅग घट्ट पकडल्याने त्यांना पैशांची बॅग मिळाली नाही.
दरम्यान, दुकानातील कामगार व नागरिक जमा झाल्याने तसेच बॅग न मिळाल्यामुळे या अनोळखी तरुणांनी त्यांच्या हातात असलेले पिस्तुल दहशत पसरवण्याचे उद्देशाने हवेच्या दिशेने रोखून त्यातील एक गोळी फायर केली. त्यानंतर ते महाराष्ट्र बँकेच्या दिशेने निघून गेले. याबाबत सिंहगड रस्ता पोलीस ठाण्यात दोन अज्ञात तरुणांविरुद्ध गुन्हा दाखल करण्यात आला असून पुढील तपास सहायक पोलिस निरीक्षक सचिन निकम करीत आहेत.
अधिक बातम्या वाचण्यासाठी येथे क्लिक करा….!
Pune Good News : पुणे ठरले राज्यातील पहिलं तर देशातील दुसरं हरित शहर
Pimpri Crime : घराचे कुलूप न तोडता चोरी ; दीड लाखांचे दागिने लंपास, असा लागला तपास..!
