Pune Crime पुणे : ‘तू आमच्या गल्लीत का आला’, असे म्हणून गुडांनी तरुणाच्या डोक्यात बिअरची बाटली फोडल्याची धक्कादायक घटना पुण्यातील बंडगार्डन परिसरात मंगळवारी रात्री पावणेदहा वाहण्याच्या सुमारास घडली. याप्रकरणी बंडगार्डन पोलिसांनी तिघांच्या विरोधात गुन्हा दाखल करून एकास अटक केली आहे.
अजय (हॅलो) लक्ष्मण कांबळे (वय १९, रा. ताडीवाला रोड) असे अटक करण्यात आलेल्या आरोपीचे नाव आहे. तर अजय याचे साथीदार काश्या कांबळे, सोनु परमार यांच्यावर गुन्हा दाखल करण्यात आला आहे. याप्रकरणी किशोर पात्रे (वय १९, रा. ताडीवाला रोड) याने बंडगार्डन पोलीस ठाण्यात फिर्याद दिली आहे.
पोलिसांनी दिलेल्या माहितीनुसार…!
फिर्यादी किशोर पात्रे हे पान टपरीवर पानमसाला खाण्यासाठी गेले होते. त्यावेळी तेथे आरोपी अजय कांबळे व इतर आले. “तू भाजी मंडईत राहत असून इकडे आमच्या गल्लीमध्ये का आलास, ” असे म्हणून फिर्यादी यांना हाताने आणि लाथाबुक्क्यांनी मारहाण केली. तसेच आरोपींनी फिर्यादी किशोर पात्रे यांच्या डोक्यात बिअरची बाटली फोडून जखमी केले.
दरम्यान, याप्रकरणी किशोर पात्रे यांनी बंडगार्डन पोलीस ठाण्यात फिर्याद दिली. पोलीस ठाण्यात गुन्हा दाखल होताच, पोलिसांनी आरोपी अजय कांबळे याला अटक केली आहे. पुढील तपास पोलीस उपनिरीक्षक कोळेकर करीत आहेत.
