Pune Crime पुणे : पुणे शहरातून एक संतापजनक घटना समोर आली आहे. 20 वर्षीय तरूणीच्या प्रायव्हेट पार्टचे मोबाईलमधून शुटिंग केल्याचा धक्कादायक प्रकार समोर आला आहे. येथील विमाननगर परिसरातील फिनीक्स मॉलमध्ये मित्राबरोबर ही तरुणी खरेदीसाठी आली असता हा प्रकार घडला आहे. याप्रकरणी विमानगर पोलीसांनी एकास ताब्यात घेतले आहे.
याप्रकरणी 20 वर्षीय तरुणीने विमानगर पोलीस ठाण्यात तक्रार दाखल केली आहे. त्यावरून पोलीसांनी मोबाईलमध्ये चित्रीकरण करणाऱ्यास ताब्यात घेतले आहे. अमिर अश्फाक अहमद (32, रा. मयुर किलबील सोसायटी, धानोरी) असे अटक करण्यात आलेल्या आरोपीचे नाव आहे. याप्रकरणी पोलीसांनी विनयभंगाचा गुन्हा दाखल केला आहे.
मिळालेल्या माहितीनुसार…!
विमानरगर येथे असेलेल्या फिनीक्स मॉलमधील स्टार बजार स्टोअरमध्ये ही तरुणी आपल्या मित्राबरोबर रविवारी रात्री नऊच्या सुमारास खरेदी करण्यासाठी आली होती. दरम्यान मॉलमध्ये खरेदी करताना आरोपी तरुणाने तरुणीच्या प्रायव्हेट पार्टसह इतर अवयांचे मोबाईलमधून चित्रीकरण केले. हे तरुणीच्या लक्षात आले तेव्हा तिने लागलीच पोलीसात तक्रार दाखल केली. त्यावेळी आरोपीने हे लैंगिक समाधान चित्रीकरण केल्याचे उघड झाले. घटनेचे गांभिर्य लक्षात घेता पोलीसांनी तात्काळ आरोपी अमिर यास अटक केली. पुढील तपास पोलीस करत आहेत.
