Pune Crime पुणे, ता. 29 : शहरात पुन्हा एकदा गुन्हेगारीने डोके वर काढल्याचे धक्कादायक चित्र समोर आले आहे. गंगानगर परिसरात कुख्यात तडीपार गुंड राणा कांबळे याची कोयत्याने सपासप वार करत निर्घृण हत्या करण्यात आली. Pune Crime
माहितीनुसार, राणा कांबळे याच्यावर ओम मोरे आणि त्याच्या साथीदारांनी रस्त्यात अडवून जीवघेणा हल्ला केला. सुरुवातीला बाचाबाची झाल्यानंतर तिघांनी मिळून कोयत्याने वार करत त्याला ठार केले. या हल्ल्यात राणा जागीच कोसळला आणि त्याचा मृत्यू झाला. Pune Crime
विशेष म्हणजे, कांबळे हा तडीपार असतानाही गंगानगर परिसरात मुक्तपणे वावरत असल्याचे समोर आले असून, यामुळे पोलिसांच्या कार्यपद्धतीवर प्रश्नचिन्ह निर्माण झाले आहे. त्याच्यावर चोरी, मारामारीसह अनेक गंभीर गुन्हे दाखल होते.
दरम्यान, वर्चस्वाच्या वादातून हा खून झाल्याची प्राथमिक माहिती समोर येत आहे. घटनेनंतर पोलिसांनी काही संशयितांना ताब्यात घेत तपास सुरू केला असून, हल्ल्याचा सीसीटीव्ही फुटेजही हाती लागला आहे. या घटनेमुळे शहरातील कायदा-सुव्यवस्थेवर पुन्हा एकदा गंभीर प्रश्न उपस्थित झाले आहेत.
