Pune Crime : पुणे : पुणे व पिंपरी-चिंचवड या दोंन्ही शहरात खुनाच्या सातत्याने घटना समोर येत आहे. आज पुन्हा एकदा पुणे शहरातील सिंहगड रस्ता परिसरातून खुनाची घटना समोर आली आहे. (Pune Crime) आज पहाटेच्या सुमारास एका व्यक्तीचा रक्ताच्या थारोळ्यात मृतदेह सापडला. या व्यक्तीचा डोक्यात दगड घालून खून करण्यात आला आहे. या घटनेनंतर परिसरात एकच खळबळ उडाली आहे.
सुनील विठ्ठल मोरे (वय 51, आजाद मित्र मंडळ जवळ जनता वसाहत पुणे) असे खून झालेल्या व्यक्तीचे नाव आहे. (Pune Crime) अजिंक्य सुनील मोरे (वय 20) यांनी या प्रकरणी दत्तवाडी पोलीस ठाण्यात तक्रार दिली आहे.
सिंहगड रस्ता परिसरातील घटना
मिळालेल्या माहितीनुसार, मोरे यांना दारू पिण्याचे व्यसन होते. दररोज सकाळी ते दारू पिण्यासाठी घराबाहेर पडतात. बुधवारी पहाटे देखील ते चार वाजण्याच्या सुमारास दारू पिण्यासाठीच घराबाहेर पडले होते.(Pune Crime) त्यानंतर सकाळी आठ वाजण्याच्या सुमारास दांडेकर पुलाकडून जनता वसाहत कॅनॉल कडे जाणाऱ्या रस्त्यावर आज पहाटेच्या सुमारास रक्ताच्या थारोळ्यात मोरे यांचा मृतदेह सापडला. त्यांचा अज्ञात आरोपीने डोक्यात दगड घालून त्यांचा खून केला आहे. पुढील तपास पोलीस करत आहेत.
अधिक बातम्या वाचण्यासाठी येथे क्लिक करा :
