Pune Crime | पुणे : वानवडी परिसरातील (Pune Crime) एका महिलेच्या घरातील बेडरूममध्ये प्रवेश करून अज्ञाताने कपाटातील तब्बल सव्वा दोन लाखांचा ऐवज चोरून नेल्याची घटना समोर आली आहे. या महिलेला मोलकरीण व वायफायचे काम करण्यास घरी आलेल्या तरुणावर संशय आहे.
वानवडी परिसरातील घटना…
याप्रकरणी वानवडी पोलीस ठाण्यात ३६ वर्षीय महिलेने तक्रार दिली आहे. त्यावरून अज्ञातावर गुन्हा दाखल करण्यात आला आहे. हा प्रकार २६ फेब्रुवारी ते ४ मार्च या कालावधीत घडला आहे.
मिळालेल्या माहितीनुसार, तक्रारदार यांची नजर चुकवून तसेच त्या घरात असताना अज्ञाताने बेडरूममधील कपाटात ठेवलेले दागिने व रोकड चोरून नेली. त्यांना हा प्रकार काही दिवसांपुर्वीच लक्षात आला. पण, चोरी कोणी केले याबाबत काहीच माहिती नाही.
त्यानंतर त्यांनी घर काम करणारी महिला तसेच इंटरनेटचे काम करण्यास घरी आलेल्या तरुणावर संशय व्यक्त केला आहे. त्यानूसार तक्रार दिली. पुढील तपास पोलीस करत आहेत.
अधिक बातम्या वाचण्यासाठी येथे क्लिक करा…
माल न पुरवता व्यावसायिकाला ९१ लाखांना चुना ; सहा जणांविरोधात वानवडी पोलीस ठाण्यात गुन्हा दाखल
‘यहा के भाई लोग हम है’ म्हणत गोळीबार ; तीन जणांविरोधात वानवडी पोलीस ठाण्यात गुन्हा दाखल
