(Pune Accident) पुणे : तीन वर्षाची चिमुकली खेळत असताना एका ट्रकने धडक दिल्याने तिच्या मृत्यू झाल्याची दुर्देवी घटना घडली. या घटनेमुळे परिसरात हळहळ व्यक्त केली जात आहे.
पूनम जयसिंग यादव (वय 3) असे मृत्युमुखी पडलेल्या चिमुकलीचे नाव आहे. याबाबत पूनमचे वडील जयसिंग यादव (वय 28, रा. डॉ. आंबेडकरनगर, मार्केट यार्ड) यांन फिर्याद दिली आहे. त्यानुसार, ट्रकचालक भरत साईनाथ साबळे (वय 24, रा. डॉ. आंबेडकरनगर, मार्केट यार्ड) याच्या विरुद्ध मार्केटयार्ड पोलिसांनी गुन्हा दाखल केला आहे.
मिळालेल्या माहितीनुसार…!
पूनम डॉ. आंबेडकरनगर भागात घरासमोर खेळत होती. त्या वेळी ट्रकने तिला धडक दिली. गंभीर जखमी झालेल्या पूनमचा उपचारांपूर्वीच मृत्यू झाला होता. पोलीस उपनिरीक्षक चेतन भोसले तपास करत आहेत.
