नागपूर : गेल्या काही दिवसांपासून नागपूर शहरात ‘स्पा’ आणि सलूनच्या नावाखाली अवैधरित्या देहविक्रीचा व्यवसाय सुरु आहे. अशातच अधिकारी सातत्याने कारवाई करत अशा ठिकाणी छापा टाकत आहेत. नुकतीच गुन्हे शाखेच्या सामाजिक सुरक्षा विभागाच्या पथकाने नागपूरच्या त्रिमूर्तीजवळील मंगलमूर्ती चौकात नामांकित स्पा आणि सलूनमध्ये छापा टाकला असता याठिकाणी देहविक्रीचा व्यवसाय सुरु असल्याचे समोर आले आहे.
अधिकाऱ्यांना याविषयी आधीच माहिती मिळाली होती. या माहितीच्या आधारे धाड टाकली असता याठिकाणी पळापळ सुरु झाली. येथे काही पीडित मुली देखील होत्या. या पीडित मुलींची सुटका करत येथील देहविक्रीचा व्यवसाय बंद पडण्यात आला आहे. दरम्यान, अधिकाऱ्यांच्या या कारवाईनंतर परिसरात एकच खळबळ उडाली.
या ठिकाणी धाड टाकण्याआधी प्लॅन आखण्यात आला होता त्याप्रमाणे ही धाड टाकण्यात आली. या कारवाईत अधिकाऱ्यांनी आरोपींना रंगेहाथ पकडलं असून, दोन पीडित मुलींची सुटका करण्यात आली. तर एकाला अटक करण्यात आली आहे. ही कारवाई राणाप्रतापनगर पोलिस ठाण्याच्या हद्दीत करण्यात आली.
दरम्यान, पोलीस या प्रकरणातील आणखी दोन जणांचा शोध घेत असून, या व्यवसायाची साखळी शहरात सक्रिय आहे का? याचा शोध घेत आहेत.
