Police News : लातूर : लातूर पोलीस अधीक्षक कार्यालयात बनावट कागदपत्रांच्या आधारे पोलीस कर्मचाऱ्यांच्या वेतनातील रक्कम परस्पर स्वतःच्या खात्यात वळवल्याचा धक्कादायक प्रकार उघडकीस आला आहे. तब्बल 2 कोटी 38 लाख 92 हजार रुपयांच्या या गैरव्यवहारामुळे पोलीस दलात एकच खळबळ उडाली आहे. Police News
या प्रकरणी पोलीस उपनिरीक्षक अजय सूर्यवंशी यांच्यासह राहुल वाघदरे, ब्रिजकिशोर ठाकूर आणि दत्तात्रय शिरसागर यांच्यावर गुन्हा दाखल करण्यात आला आहे. 2015 ते 2025 या कालावधीत पोलीस कर्मचाऱ्यांना मिळणारे इन्सेंटिव्ह, विशेष भत्ते आणि इतर आर्थिक लाभांच्या नोंदींमध्ये फेरफार करून आरोपींनी संगनमताने रक्कम स्वतःच्या खात्यात वळवल्याचा आरोप आहे. Police News :
प्राथमिक तपासात 368 पोलीस कर्मचाऱ्यांच्या वेतनातून अतिरिक्त रक्कम काढण्यात आल्याचे समोर आले आहे. यामध्ये राहुल वाघदरे यांनी सुमारे 90 लाख 57 हजार, ब्रिजकिशोर ठाकूर यांनी 1 कोटी 23 लाख 36 हजार, तर दत्तात्रय शिरसागर यांनी 48 लाख 98 हजार रुपये स्वतःच्या खात्यात वळवल्याची माहिती समोर आली आहे. Police News :
या गंभीर आर्थिक गैरव्यवहाराची चौकशी पोलीस उपाधीक्षकांकडे सोपवण्यात आली असून, संबंधितांवर कठोर कारवाई करण्याच्या सूचना लातूरचे पोलीस अधीक्षक अमोल तांबे यांनी दिल्या आहेत. Police News :
