Pimpri News | पिंपरी : भरधाव अज्ञात वाहनाने धडक दिल्याने पादचारी व्यक्तीचा मृत्यू झाला.
अनिल सर्जेराव खैरे (32, रा. काळुस, ता. खेड) असे मृत्यू झालेल्या पादचार्‍याचे नाव आहे.
याप्रकरणी अजित सर्जेराव खैरे (21) यांनी महाळुंगे एमआयडीसी पोलिस ठाण्यात तक्रार दिली आहे. त्यानुसार, अज्ञात वाहनचालका विरोधात गुन्हा दाखल करण्यात आला आहे. ही घटना बुधवारी (दि. 19) मध्यरात्री दीडच्या सुमारास निघोजे गावातील महिंद्रा कंपनीच्या गेट नंबर एक समोर घडली.
पोलिसांनी दिलेल्या माहितीनुसार, फिर्यादी यांचा मोठा भाऊ अनिल खैरे निघोजे येथून पायी चालत होता. त्यावेळी अज्ञात वाहनाने त्यांना धडक दिली. यामध्ये अनिल गंभीर जखमी झाले. यामध्ये त्यांचा मृत्यू झाला.
आरोपी वाहनचालक घटनास्थळावरून पळून गेला आहे. महाळुंगे पोलिस तपास करीत आहेत.
