Pimpri Crime पिंपरी-चिंचवड : चिंचवड येथील वाल्हेकरवाडी येथे मित्राचा मित्र सारखा कोणतेही कारण नसताना घरी येत असल्याच्या कारणावरून तरुणाला चाकूने वार करत बेदम मारहाण केली आहे. यामध्ये तरुण जखमी झाला आहे. हा प्रकार बुधवार रोजी घडला आहे. या घटनेनंतर पोलीसांनी आरोपीस ताब्यात घेतले आहे.
याप्रकरणी एका 34 वर्षीय महिलेने चिंचवड पोलीस ठाण्यात तक्रार दाखल केली आहे. त्यावरून अजय दत्ता नागटिळे (वय 25, रा.वाल्हेकरवाडी) याच्यावर गुन्हा दाखल केला आहे. पोलीसांनी आरोपी अजय यास ताब्यात घेतले आहे.
मिळालेल्या माहितीनुसार….!
तक्रारदार महिलेचा भाऊ नितीन याचा मित्र सुनील हा आरोपीच्या घरी सारखा कोणतेही कारण नसताना जात होता. याचा राग आरोपीला आला त्यातून त्याने नितीवर चाकून जिवे मारण्याच्या उद्देशाने हल्ला केला. या हल्ल्यात नितीन जखमी झाला. दरम्यान सुनील या दोघांचे भांडणे सोडविण्यासाठी गेला असता त्याच्यावर सुद्धा चाकूने मारत जखमी केले आहे. पुढील तपास पोलीस करत आहेत.
