Pimpri Crime पिंपरी-चिंचवड : तुमच्यामुळे मला तडीपार केले असून, तुम्हाला जिवंत सोडणार नाही अशी धमकी देत पोटच्या मुलाने वडिलांच्या डोक्यात दगड घातला. आईलाही हाताने, लाथाबुक्यांनी मारहाण केल्याची संतापजनक घटना थेरगाव येथून समोर आली आहे. हा प्रकार गुरुवारी (दि.27) दुपारी घडला.
याप्रकरणी महादेव जालिंदर चव्हाण (वय.45 रा.थेरगाव) यांनी वाकड पोलीस ठाण्यात तक्रार दिली. त्यावरून पोलिसांनी खुनाचा प्रयत्न केल्याप्रकरणी ऋषिकेश महादेव चव्हाण (वय 24 रा.थेरगाव) याला अटक केली. याप्रकरणी पोलीसात गुन्हा दाखल करण्यात आला आहे.
मिळालेल्या माहितीनुसार…!
तडीपार केल्याचा आदेश घेण्यासाठी वडिलांनी पोलीस स्टेशनमध्ये चल म्हटल्याचा आरोपी ऋषिकेश याला राग आला. तुझ्यामुळे मला तडीपार केले आहे, तू माझ्याकडे लक्ष दिले नाही. तूच मला तडीपार करायला लावले आहे. आता तुला जिवंत सोडणार नाही. असे म्हणत आरोपी ऋषिकेश याने वडिल जालिंदर यांच्या डोक्यात दगड घातला. यावेळी आरोपी हा दारुच्या नशेत होता. यावेळी आईमध्ये पडली असता आरोपीने आईलाही शिवीगाळ करत लाथाबुक्क्यांनी मारहाण केली. पुढील तपास पोलीस करत आहेत.
