Pimpri Crime | पिंपरी-चिंचवड : पुण्यासह पिंपरी-चिंचवड शहरात जागोजागी कोयत्या गॅंगची दहशत बघायला मिळत आहे. दोन्ही शहातून अधून मधून कोयता गॅंग डोके वर काढत आहे. दरम्यान असाच एक प्रकार पिंपरीतील चिखली भागातून समोर आला आहे. इथे का बसला म्हणत टोळक्याने वाद घालत एकावर कोयत्याने वार केल्याची धक्कादायक घटना समोर आली आहे. हा प्रकार शुक्रवारी (दि.5) रात्री आठ वाजता चिखलतील म्हेत्रे गार्डन येथे घडला आहे.
याप्रकरणी चिखली पोलीस ठाण्यात एका अल्पवयीन मुलाने फिर्याद दिली आहे.त्यावरून एक आरोपी तीन अल्पवयीन मुलांना पोलीसांनी ताब्यात घेतले आहे. मॉडेल उर्फ विशाल गंजे व निखील पाटील असे आरोपीचे नाव आहे.
मिळालेल्या माहितीनुसार, चिखलीतील म्हेत्रे गार्डन येथे तक्रारदार व त्यांचा मित्र हे बसलेलेले होते. त्यावेळी तेथे आरोपी आले व त्यांनी तू इथे का बसला आहेस म्हणत वाद घालण्यास सुरुवात केली व जीवे मारण्याची धमकी दिली. तेव्हा तक्रारदार व त्यांच्या मित्र तेथून निघून गेले. त्यानंतर पुन्हा त्यांना गाठून त्यांच्याव कोयत्याने गळ्यावर वार केले.
दरम्यान, दहशत पसरवण्यासाठी परिसरात गाडयांची तोडफोड करत नागरिकांनाही दमदाटी केली. शिवाय आम्ही इथले भाई आहोत. आमच्या मध्ये कोणी यायचे नाही नाही तर मर्डर करून टाकू अशी धमकी दिली. पुढील तपास पोलीस करत आहेत.
अधिक बातम्या वाचण्यासाठी येथे क्लिक करा….!
Pimpri Crime | उच्चदाब विद्युत वाहिनीचा शॉक लागून मुलगा गंभीर जखमी ; रुपीनगर, तळवडे येथील प्रकार
