Pimpari Crime |पिंपरी-चिंचवड शहरातून घरफोडीची मोठी घटना समोर आली आहे. स्टोअर रुमचा दरवाजा तोडून घरातून तब्बल साडे बारा लाखांचे दागीने व रोख रक्कमेवर चोरट्यांनी डल्ला मारला आहे. ही घरफोडी जुनी सांगवी येथे रविवारी (दि.9) पहाटे तीन ते साडेतीन या कालावधीत घडली. दरम्यान या चोरीच्या घटनेनंतर परिसरात भितीचे वातावरण निर्माण झाले आहे.
याप्रकऱणी 58 वर्षीय महिलेने सांगवी पोलीस ठाण्यात तक्रार दाखल केली असून अनोळखी चौघांविरोधात गुन्हा दाखल करण्यात आला आहे.
मिळालेल्या माहितीनुसार, तक्रारदार यांच्या घरातील स्टोअर रुमचा कडी कोंयडा तोडून चार चोरट्यांनी घरात प्रवेश करत घरातील लोखंडी कपाटातून 9 लाख 80 हजार रुपयांचे 28 तोळे सोने, 25 हजार रुपयांचे चांदीचे दागिने व 2 लाख 25 हजार रुपये रोख असा एकूण साडे बारा लाख रुपयांचा ऐवज चोरांनी चोरून नेला आहे. पुढील तपास पोलीस करत आहेत.
अधिक बातम्या वाचण्यासाठी येथे क्लिक करा….!
