संतोष गायकवाड
वाघोली : जेएसपीएम विद्यालयातील भिवराबाई सावंत इन्स्टिट्यूट ऑफ टेक्नॉलॉजी अँड रिसर्च कॉलेज इलेक्ट्रिकल इंजिनिअरिंग विभागातील प्राध्यापक नितेश अनवट (वय ३२) यांचे शनिवारी मध्यरात्री हृदयविकाराच्या तीव्र झटक्याने निधन झाले. अनवट यांच्या निधनाने संपूर्ण वाघोली शैक्षणिक संकुलात हळहळ व्यक्त केली जात आहे.
अनवट हे इलेक्ट्रिकल इंजिनिअरिंग विभागात प्राध्यापक म्हणून कार्यरत होते. त्यांनी द्वितीय, तृतीय व चतुर्थ वर्षाच्या विद्यार्थ्यांना त्यांनी वेळोवेळी मार्गदर्शन केले. मुलांना व्यावसायिक अभ्यासक्रमातील गहन विषय अगदी सहज समजावून सांगण्यात त्यांचा हातखंडा होता. त्यांच्या मार्गदर्शनाखाली इलेक्ट्रिकल विभागातील विद्यार्थ्यांनी विविध स्पर्धांमध्ये पारितोषिके जिंकवून कॉलेजला नावलौकिक मिळवून दिला.
अत्यंत मनमिळावू स्वभावामुळे व सर्वांना मदत करण्याच्या वृत्तीमुळे सर्व विद्यार्थ्यांमध्ये व शिक्षकांमध्ये ते लोकप्रिय होते. त्यांच्या पश्चात आई, वडील, पत्नी, भाऊ असा परिवार आहे. त्यांच्या अकस्मात निधनामुळे संपूर्ण वाघोली शैक्षणिक संकुलात हळहळ व्यक्त केली जात आहे.
