लहू चव्हाण
Pachgani News : पाचगणी, (सातारा) : पाचगणी – महाबळेश्वर मुख्य रस्त्यावर चारचाकी व दुचाकी यांच्यात झालेल्या अपघातात एका ३० वर्षीय तरुणाचा जागेवरच मृत्यू झाला आहे तर एकजण गंभीर जखमी झाल्याची घटना घडली आहे. पाचगणी- महाबळेश्वर मुख्य रस्त्यावरील रेशीम चौकात सोमवारी (ता. ०५) सायंकाळी पाऊणे पाच वाजण्याच्या सुमारास हा अपघात झाला आहे. (A 30-year-old youth died on the spot in an accident between a four-wheeler and a two-wheeler on Pachagani-Mahabaleshwar road; So one is serious..)
मोदीन मेहराज शेख, वय – ३०, रा. गोडवली, ता.महाबळेश्वर) असे अपघातात मृत्यू झालेल्या तरुणाचे नाव आहे तर अविनाश चंद्रकांत गवळी, वय – ३१, रा. पावर हाऊस, पाचगणी) असे जखमी झालेल्या तरुणाचे नाव आहे. (Pachgani News) याप्रकरणी अमोल सर्जेराव सपकाळ (वय – २३, रा. गोडवली, ता. महाबळेश्वर) यांनी पाचगणी पोलीस ठाण्यात फिर्याद दिली आहे.
पाचगणी- महाबळेश्वर रस्त्यावरील दुर्घटना
पोलिसांनी दिलेल्या माहितीनुसार, पाचगणी- महाबळेश्वर मुख्य रस्त्यावरून मोदिन व त्याचा मित्र अविनाश हे दोघेजण दुचाकीवरून निघाले होते. (Pachgani News) यावेळी अचानक एक चारचाकीने मोदिन चालवीत असलेल्या दुचाकीला जोरदार धडक दिली. या धडकेत मोदिन व अविनाश हे दोघेजण दहा फुट हवेत उडाले व रस्त्याच्या कडेला जाऊन पडले.
मोदीन शेख याचा जागेवरच मृत्यू झाला तर त्याचा मित्र अविनाश याच्यावर उपचार सुरु आहेत. याप्रकरणी चारचाकी चालकावर रात्री उशिरापर्यत गुन्हा दाखल करण्याचे काम सुरु होते. (Pachgani News) घटनेचा अधिक तपास पाचगणी पोलिस ठाण्याचे सहाय्यक पोलीस निरीक्षक राजेश माने करीत आहेत.
दरम्यान, सदर चारचाकी चालकाने दारू पिऊन धडक दिल्याची कुजबुज नागरिक करीत होते. तसेच अपघाताच्या ठिकाणी (Pachgani News) पंचनामा न केल्याचा आरोप करत गाडीतील सर्वांवर गुन्हा दाखल होत नाही तोपर्यंत नातेवाईकांनी अपघातात मृत्यू झालेल्या युवकाचे पार्थिव पोलीस ठाण्याच्या आवारात आणल्याने काही काळ तणावाचे वातावरण निर्माण झाले होते.
अधिक बातम्या वाचण्यासाठी येथे क्लिक करा :
Pachgani News : हॅप्पी ॲवर्स हायस्कूलचा दहावीचा निकाल १०० टक्के
Pachgani News : तिथीनुसार शिवराज्याभिषेकदिन उत्साहात साजरा
Pachgani News : भारती विद्यापीठ हायस्कूलचा दहावीचा निकाल १०० टक्के
