Nashik News : नाशिक : नाशिकमधून हृदयद्रावक घटना समोर आली आहे. भाजीपाला पोहोचवण्यासाठी जात असताना पिकअपवरचा ताबा सुटून भीषण अपघात झाला आहे. भरधाव वेगात असताना वाहनावरील ताबा सुटल्यानंतर रस्त्याच्या डिव्हायडरला जोरदार धडक बसली. यामध्ये एकाचा जागीच मृत्यू झाला आहे.
कर्नाटकातील चितचोर येथे झाला अपघात
नाशिक येथून बंगळुरु येथे जात असताना कर्नाटकातील चितचोर येथे हा अपघात झाला. अपघातात मृत्यू झालेल्या मुलाचे आई-वडील पंढरपूरच्या दिंडीत असताना त्यांना ही दुर्दैवी घटना समजली. या वृत्तांनतंर सर्वत्र हळहळ व्यक्त केली जात आहे.
गोरख रमेश पाटोळे (वय ३६ वर्ष, रा. लोहशिंगवे, ता. नाशिक) असे मृत्यू झालेल्या मुलाचे नाव आहे. मंगळवारी २० जून रोजी हा अपघात झाला.
मिळालेल्या माहितीनुसार, गोरख रमेश पाटोळे यांनी आपल्या दोन पिकअप गाड्या एका भाजीपाला व्यापाऱ्याकडे लावल्या होत्या. त्यांनी अडीच महिन्यांपूर्वी नवीन पिकअप घेतली होती. (Nashik News) दरम्यान, मंगळवारी २० जून रोजी या दोन्ही गाड्यांमध्ये गाजर व भाजीपाला भरून पळसे येथून निघाल्या होत्या. बंगळुरुला भरधाव वेगाने भाजीपाला नेत असताना वाहनावरील ताबा सुटल्यानंतर चितचोर (कर्नाटक) भागात रात्रीच्या सुमारास पिकअपची रस्त्याच्या डिव्हायडरला जोरदार धडक बसली. गाडीचा भीषण अपघात झाला व त्यात गोरख पाटोळे यांचा जागीच मृत्यू झाला.
मृत गोरखचे आईवडील यंदा गावातून निघालेल्या दिंडीत सहभागी झाले होते. त्र्यंबकेश्वर येथील संत निवृत्तीनाथ महाराजांच्या पालखी सोहळ्यात पंढरपूरच्या वाटेवर होते. (Nashik News) गोरख यांच्या अपघाताची घटना घडल्याने त्यांना घेण्यासाठी नातेवाईक पालखी असलेल्या दिशेने जाऊन घेऊन आले. आई-वडीलांना हा बातमी कळतात त्यांच्या पायाखलची जमीन सरकली. गोरख पाटोळे यांच्या पाश्चात आई वडील, पत्नी, एक मुलगा, एक मुलगी, लहान भाऊ असा परिवार आहे.
अधिक बातम्या वाचण्यासाठी येथे क्लिक करा :
Nashik News : समृद्धी महामार्गावर भीषण अपघात; चौघांचा मृत्यू, चार जखमी
