Nashik Crime : नाशिकच्या भारत नगर भागातून एक खूप धक्कादायक आणि गंभीर घटना समोर आली आहे.. या घटनेमुळे परिसरात भितीचं आणि तणावाचं वातावरण निर्माण झालं आहे. एका अल्पवयीन मुलाने भर दिवसा एका विवाहितेच्या घरात घुसून तिच्यावर आणि तिच्या दोन वर्षाच्या मुलीवर अत्याचार करण्याचा प्रयत्न केल्याची घटना घडली आहे. या महिलेने आरडाओरड केल्यानंतर रस्ताने ये-जा करणाऱ्यांनी या अल्पवयीन मुलाला पकडलं आणि पोलिसांच्या हवाली केले होते. त्यानंतर महिलेने पोलीस ठाण्यात तक्रार दाखल केली.पण या प्रकरणात आता अल्पवयीन मुलाला पोलिसांनी सोडून दिल्याचा आरोप करत जमावाने मुंबई नाका पोलिस ठाण्यात मोठी गर्दी केली आहे. Nashik Crime
पोलीसांचं स्पष्टीकरण
पोलिसांनी हे आरोप फेटाळून लावले आहेत. “आरोपी आमच्या ताब्यात आहे आणि कोणतीही सुटका करण्यात आलेली नाही,” असे स्पष्टीकरण पोलिसांनी जमावाला दिले. मिळालेल्या माहितीनुसार, पिडित महिला आणि तिची 2 वर्षीय लेक घरात होते. Nashik Crime या दरम्यान दुपारच्या सुमारास एक अल्पवयीन मुलगा घरात शिरला आणि त्याने पहिल्यांदा विवाहितेच्या 2 वर्षीय लेकीचे तोंड दाबून तिच्यावर अत्याचार करण्याचा प्रयत्न केला.दरम्यान मुलीच्या आईने या मुलाला दुर करण्याचा प्रयत्न केला.. त्यांच्यात झटापट झाली. पण महिलेच्या या विरोधाला न जुमानता अल्पवयीन मुलाने तिच्यावर देखील अत्याचार करण्याचा प्रयत्न केल्याचा आरोप जमावातील महिलांनी केला आहे. Nashik Crime त्यानंतर या महिलेने आरडाओरड करायला सुरुवात केली. तेव्हा आजूबाजूचे लोकं धावून आले आणि त्यांनी आरोपीला पकडलं. या घटनेनंतर महिलेने पोलीस ठाणं गाठलं आणि तक्रार दाखल केली होती.
पोलीस ठाण्याबाहेर तणावाचे वातावरण
या तक्रारीवरून पोलिसांनी अल्पवयीन मुलाला पकडून सोडून दिल्याचा आरोप करत आता संपूर्ण जमावाने मुंबई नाका पोलिस ठाण्याला घेराव घातला आहे. त्यामुळे मुंबई नाका पोलिस ठाण्याबाहेर मोठी गर्दी जमली आहे. Nashik Crime तसेच या जमावाने आरोपीवर मुलावर कठोरता कठोर कारवाई करण्याची मागणी केली आहे.त्यामुळे पोलीस ठाण्याबाहेर तणावाचे वातावरण पसरले आहे.
