Nashik crime : नाशिक : नाशिकच्या पंचवटी परिसरात आतिशय क्षुल्लक कारणावरून भाच्याने मामाचा खून केल्याची घचना घडली आहे. भाच्याला दारूचे व्यसन होते. मामाने त्याला ते ऐकूण दाखवल्याने भाच्याने प्लास्टिकची झाडाची कुंडी मामाच्या छातीत मारुन फेकली. त्यात त्यांच्या छातीला मार लागला आणि त्यांचा मृत्यू झाला. मच्छिंद्र माणभाव असे हत्या केलेल्या आरोपी भाच्याचे नाव आहे. तर बाबुलाल सोमा गावित असे मृत्यू झालेल्या मामाचे नाव आहे. पोलिस या प्रकरणाचा कसून तपास करत आहेत.
नेमक काय प्रकरण आहे
बाबुलाल सोमा गावित हे गेल्या दोन महिन्यांपासून पंचवटीतील हिरावाडी परिसरात आपला भाचा मच्छिंद्रर माणभाव याच्याकडे राहत होते. त्याात मच्छिंद्र माणभाव याच्या मुलाला पायाला भाजले होते, मात्र तो मुलाला डॉक्टकडे घेऊन जात नव्हता. त्या काळजीपोटी बाबुलाल सोमा गावित यांनी मच्छिंद्र याला बोल लावले. शुक्रवारी दुपारच्या सुमारास ‘तुझ्या मुलाच्या पायाला चटके लागले आहेत, त्याला दवाखान्यात दाखवायला तुझ्याकडे पैसे नाहीत. पण दारू प्यायला पैसे आहेत’ असे मामा बोलल्याचा राग मच्छिंद्र याला आला. रागाच्या भरात मच्छिंद्र याने घरातील पलंगावर बसलेल्या आपल्या मामाला खाली जमिनीवर आपटले. तसेच प्लास्टिकची झाडाची कुंडी मामाच्या छातीत मारुन फेकली. या घटनेत गंभीर जखमी झाल्याने मामाचा काही वेळातच मृत्यू झाला.
मच्छिंद्र याने मामाला संपवल्यानंतर मृतदेह शुक्रवारी दिवसभर घरातच ठेवला होता. शनिवारी पोलिसांनी नाशिक जिल्हा शासकीय रुग्णालयात दाखल केले आणि रविवारी शव विच्छेदन अहवाल प्राप्त झाला. त्यानंतर नाशिकमधील पंचवटी पोलिसांनी भाचा मच्छिंद्र माणभावविरोधात खुनाचा गुन्हा दाखल केला. त्यानंतर त्याला बेड्या ठोकल्या. 67 वर्षीय श्रीमती इंदुबाई सुखदेव खाणे यांच्या तक्रारीनंतर पंचवटी पोलिसांनी आरोपी मच्छिंद्र याच्याविरोधात भादवी कलम 302’ 504 प्रमाणे गुन्हा दाखल केला. आरोपी 27 वर्षीय मछिंद्र सुकदेव मानभाव हा हिरावाडी येथील राहणारा आहे.
