Nagar News : अहमदनगर : स्क्रू ड्रायव्हरने भोसकून एका माजी सैनिकाचा खून झाल्याची घटना घडली होती. ही हत्या जमीन खरेदी-विक्रीच्या व्यवहार करण्याच्या वादातून झाल्याचे समोर आले होते. या हत्येनंतर आरोपी माजी सैनिकाचा मृतदेह लोणी शिवारात टाकून फरार झाले होते. मात्र, पोलिसांनी याप्रकरणाचा तातडीने तपास करत काही तासांतच आरोपींना बेड्या ठोकल्या. यातील धक्कादायक बाब म्हणजे एक आरोपी हा सायंदैनिकाचा संपादक आहे. Nagar News
मनोज वासुमल मोतीयानी (वय 33) व त्याचा साथीदार स्वामी प्रकाश गोसावी (वय 28, दोघे रा. सावेडीगाव, अहमदनगर) यांना अटक करण्यात आली आहे. यातील आरोपी मोतीयानी सराईत गुन्हेगार असून, त्याच्याविरुध्द अहमदनगर जिल्ह्यात विनयभंग, अल्पवयीन मुलीस पळुन नेणे, खंडणीच्या उद्देशाने जिवे मारण्याची धमकी देणे यांसारखे विविध गुन्हे दाखल आहेत. Nagar News :
माजी सैनिक बेपत्ता असल्याची तक्रार..
अहमदनगर शहरातून विठ्ठल नारायण भोर (वय 48, रा. गणेश चौक, बोल्हेगांव, ता. नगर) हे माजी सैनिक बेपत्ता झाल्याची तक्रार त्यांच्या पत्नीने तोफखाना पोलिस ठाण्यात दिली होती. त्यांचा शोध सुरू होता. लोणी (ता. राहाता) येथे एक अज्ञात मृतदेह आढळल्याची माहिती पोलिसांना मिळाली. या मृतदेहावर जखमा होत्या, त्यावरून खून झाल्याचे स्पष्ट होते. त्यामुळे पोलिसांनी तातडीने त्या दिशेने तपास सुरू केला. पोलिसांनी या घटनेचा सखोल तपास केल्यानंतर आरोपींना बेड्या ठोकण्यात आल्या. Nagar News :
