Nagar News कोतवाली, (नगर) : कोतवाली पोलीस ठाण्याच्या हद्दीत मोटारसायकली चोरणाऱ्या टोळीला जेरबंद करण्यात कोतवाली पोलिसांना यश आले असून तीन चोरट्यांच्या पोलिसांनी मुसक्या आवळल्या आहेत. (Nagar News) तसेच त्यांच्याकडून पोलिसांनी २ लाख १५ हजार रुपयांच्या ७ मोटारसायकली जप्त केल्या आहेत. (Nagar News)
तीन जणांना अटक
गणेश देविदास नल्ला (रा. पाईप लाईन रोड, अहमदनगर), आनंद अनिल काळे (वय २५ वर्षे, रा. गणेशनगर, वार्ड नं.२ ता. राहता, जि. अहमदनगर), सचिन रावसाहेत चव्हाण (वय २३ वर्षे, रा.पानेगाव, ता. घनसांगवी, जि. जालना) असे ताब्यात घेण्यात आलेल्या तिघांची नवे आहेत.
कोतवाली पोलीस ठाण्याचे वरिष्ठ पोलीस निरीक्षक चंद्रशेखर यादव यांनी दिलेल्या माहितीनुसार, शहरात मोटरसायकल चोरी जाण्याचे प्रमाण गेल्या काही दिवसात वाढल्याने कोतवाली पोलिसांकडून मोटारसायकल चोरांना पकडण्यासाठी शोध मोहिम आखण्यात आली आहे. मोटरसायकल चोरांचा शोध घेण्यासाठी पथक स्थापन करण्यात आले होते.
सदर घटनेचा पोलीस तपास करीत असताना पोलीस निरीक्षक यादव यांना खबऱ्याकडून माहिती मिळाली होती की, मोटारसायकल चोर गणेश देविदास नल्ला हा चोरीच्या मोटारसायकलसह शहरातील आयुर्वेदीक कॉर्नर येथे येणार आहे.
दरम्यान, मिळालेल्या माहितीच्या अनुशंघाने पथकाने सापळा लावून आरोपी गणेश नल्ला याला ताब्यात घेतले. त्याच्याकडे चौकशी केली असता त्याने आणखी दोन साथीदारांच्या समवेत चोरी केल्याची कबुली पोलिसांना दिली. पोलिसांनी त्याचे दोन आरोपी साथीदाराकडून २ लाख १५ हजार रुपयांच्या सात मोटरसायकली जप्त केल्या आहेत.
सदराची कामगिरी कोतवाली पोलीस ठाण्याचे पोलीस निरीक्षक चंद्रशेखर यादव, पोलीस उपनिरीक्षक मनोज कचरे, शाहीद शेख, पोलीस कॉन्स्टेबल प्रमोद मधुकर लहारे, सुमित गवळी, दिपक रोहोकले, पोलीस नाईक योगेश कवाष्टे, रवि टकले, महेश बोरुडे, मुकुंद दुधाळ यांनी ही कारवाई केली. या गुन्ह्यांचा तपास पोलीस नाईक सलिम शेख, तानाजी पवार करत आहेत.
