Nagar News : अहमदनगर : गांजाची तस्करी करणाऱ्या दोघांना कोतवाली पोलीसांनी ताब्यात घेतले आहे. त्यांच्याकडून २ किलो २६ ग्रॅम वजनाचा गांजासह सुमारे 36 हजार रुपयांचा मुद्देमाल जप्त करण्यात आला आहे. माळीवाडा बसस्थानक परिसरात सापळा लावत पोलीसांनी या तस्कसार ताब्यात घेतले आहे. (2 kg ganja seized from Maliwada bus stand, two arrested)
सुनिल राम पवार (वय २२ वर्षे रा चिचोली फाटा ता राहुरी जि अहमदनगर) व अशोक उत्तम फुलमाळी (वय २१ वर्षे रा शास्त्रीनगर चांदा ता नेवासा जि अहमदनगर) अशी अटक करण्यात आलेल्यांची नावे आहेत.(Nagar News) तनवीर महंमदअली शेख यांनी पोलीसात फिर्याद दाखल केली आहे.
पळून जाण्याच्या तयारीत असताना पोलिसांनी केली अटक
मिळालेल्या माहितीनुसार, माळीवाडा बसस्थानक परिसरात गांजा विक्रीसाठी दोघे येणा असल्याची गुप्त बातमीदारामार्फत कोतवाली पोलीसांना माहिती मिळाली. त्यानंतर माळीवाडा बसस्थानक परिसरात पोलीसांनी सापळा लावला. तेथे एका दुचाकी वाहनावरुन दोन इसम त्यांचेकडील पाठीवरील बँगेसह सदर ठिकाणी येत असल्याचे निदर्शनास आल्याने व ते पोलीसांना पाहून सदर ठिकाणावरुन पळून जाण्याच्या तयारीत असतांना त्यांना जागीच ताब्यात घेवून त्यांच्याकडील बॅगची पाहणी केली असता त्यांच्या बॅगमध्ये अंमली पदार्थ गांजा असल्याचे निदर्शनास आले. (Nagar News) त्याच्याकडे २ किलो २६ ग्रॅम गांजा व एक दुचाकी मोटारसायकल असे एकून ३६ हजार ७८५ मुद्देमाल पोलीसांनी जप्त केला. याप्रकरणी कोतवाली पोलीस ठाण्यात गुन्हा दाखल करण्यात आला आहे. पुढील तपास पोलीस करत आहेत.
अधिक बातम्या वाचण्यासाठी येथे क्लिक करा :
Nagar News : मित्रांनीच दिली मित्राची सुपारी; तीन अल्पवयीन मुले ताब्यात, दोघेजण फरार
