Nagar Crime कोतवाली (नगर) : बांधकाम सुरु असलेल्या बंगल्यात बसविण्यासाठी आणलेले नवीन १ लाख २० हजार रुपयांचे ए. सी. चोरणाऱ्या आरोपीला कोतवाली पोलिसांनी ताब्यात घेतले आहे.
प्रवेश भापकर काळे वय २६ वर्षे रा. साईनगर बुरुडगांबरोड अहमदनगर असे चोरी करणाऱ्या आरोपीचे नाव आहे.
पोलिसांनी दिलेल्या माहितीनुसार…!
शहरातील नामवंत डॉक्टर राहुल नामदेव पंडीत यांचे नविन घराचे साई, नगर भोसले आखाडा, बुरुडगांव रोड, अहमदनगर येथे बांधकाम सुरु आहे. त्यांनी घरात बसविण्या करीता ब्लू स्टार कंपनीचे एकूण ०५ ए.सी. बंगल्यात आणून ठेवले होते. त्या पैकी दोन ए.सी. हे कोणी तरी अज्ञात चोरट्याने ते चोरून नेल्याबाबत कोतवाली पोलीस ठाण्यात तक्रार दिली होती.
सदर गुन्ह्याचा तपास करीत असताना कोतवाली पोलिसांना एका खबऱ्याकडून माहिती मिळाली की, काटवन खंडोबा कमानीच्या जवळील सीना नदीच्या पुलावर एक इसम दुचाकीवर संशयास्पद फिरत असल्याची माहिती मिळाली. सदर ठिकाणी पोलीस गेले असता त्याच्या हालचाली संशायस्पद वाटत असल्याने त्यास त्याचे नाव व पत्ता विचारले असता तो उडवाउडवीची उत्तरे देवु लागल्याने त्यास विश्वासात घेवुन विचारपुस केली असता त्याने त्याचे नाव वरीलप्रमाणे सांगितले.
दरम्यान, त्याच्याकडे अधिक चौकशी केली असता सोमवारी (ता. १०) पहाटे तीन वाजण्याच्या सुमारास डॉ पंडीत यांचे बांधकामावरुन दोन नविन एसी चोरल्याची कबुली दिली. त्याच्याकडून पोलिसांनी १ लाख २० हजार रुपयांचे दोन एसी जप्त केले आहेत.
सदरची कारवाई ही पोलीस निरीक्षक चंद्रशेखर यादव पोलीस उपनिरीक्षक मनोज कचरे, पोलीस अंमलदार देवराम ढगे, तनविर शेख, गणेश धोत्रे, योगेश भिंगारदिवे, अब्दुलकादर इनामदार, योगेश खामकर, संदिप थोरात, अमोल गाडे, सुजय हिवाळे, कैलास शिरसाठ, सोमनाथ राऊत, सागर मिसाळ यांच्या पथकाने केली आहे.
अधिक बातम्या वाचण्यासाठी येथे क्लिक करा….!
Ahmednagar Crime : कोयत्याने मारहाण करुन जिवे ठार मारण्याचा प्रयत्न; सराईत आरोपी पोलीसांच्या ताब्यात
