Murder | पिंपरी-चिंचवड : अल्पवयीन बेपत्ता मुलीचा खून करण्यात आल्याची धक्कादायक घटना समोर आले आहे. या मुलीचा मृतदेह मंगळवारी (दि. 4) दुपारी घरकुल चिखली येथे मिळाला आहे. १७ वर्षीय मुलगी गेल्या चार दिवसापासून बेपत्ता होती. याबाबत तिच्या आईने (वय 44) मुलगी बेपत्ता झाल्याची तक्रार पोलीसांनी दिली होती. त्यानंत मुलीचा मृतदेह पोलीसांना मिळाला.
पडक्या इमारतीमध्ये मुलीचा मृतदेह…
मिळालेल्या माहितीनुसार, पिंपरी-चिंचवड शहरातील चिखली येथील एक 17 वर्षीय मुलगी शनिवार (दि. 1) पासून बेपत्ता होती. त्याबाबत मुलीच्या आईने ती बेपत्ता झाल्याची तक्रार चिखली पोलीस ठाण्यात दिली होती. पोलीस मुलीचा शोध घेत असताना चिखलीमधील घरकुल परिसरातील पडक्या इमारतीमध्ये मुलीचा मृतदेह आढळून आला.
पोलिसांना याबाबत माहिती मिळताच त्यांनी घटनास्थळी धाव घेतली. त्यावेळी मुलीचा मृतदेह कुजलेला होता. तिच्या शरीरावर हत्याराने वार केल्याच्या जखमा आढळून आल्या. तिच्यावर लैंगिक अत्याचार झाला आहे का, हे शवविच्छेदन झाल्यानंतर स्पष्ट होईल. धारदार शस्त्राने मुलीवर वार करून खून केल्याचे प्राथमिक तपासात समोर आले आहे.
याप्रकरणी दाखल असलेल्या अपहरणाच्या गुन्ह्यात खुनाच्या गुन्ह्याची कलमवाढ करण्यात आली आहे. पुढील तपास पोलीस करत आहेत.
अधिक बातम्या वाचण्यासाठी येथे क्लिक करा….!
Murder Case : पत्नीची हत्या करून मद्यधुंद पती झोपला तिच्या मृतदेहाजवळ
Praveen Gopale Murder | राष्ट्रवादीचे सरपंच प्रवीण गोपाळे यांच्या हत्येप्रकरणी चार जण ताब्यात
Murder News | पुणे : भयंकर..! ”या” कारणावरून त्याने केला तिचा खून
