पुणे : पुण्यातील गणेश पेठ परिसरात पाठलाग करून इमारतीच्या टेरेसवर कोयत्याने हल्ला करत तरुणाचा निर्घृण खून करण्यात आला आहे. या घटनेने मुळशी पॅटर्न चित्रपटाचा थरार पुन्हा पाहायला मिळाला आहे. गणेश पेठ परिसरातील ओसवाल बिल्डिंगच्या छतावर रविवारी मध्यरात्री बॉलीवूड चित्रपटाप्रमाणे थरार घडला आहे. फरासखाना पोलीस ठाण्याच्या हद्दीत हा प्रकार घडला असून सिद्धार्थ नंदकुमार हादगे असं खून झालेल्या व्यक्तीचे नाव आहे. या घटनेने परिसरात एकाच खळबळ उडाली आहे.(Pune Crime News)
पोलिसांनी दिलेल्या अधिक माहितीनुसार, सिद्धार्थ आणि आरोपींमध्ये पूर्वीपासून वाद होते. रविवारी रात्री आरोपींनी शहरातील फरासखाना पोलीस ठाण्याच्या हद्दीत सिद्धार्थला गाठून मारहाण केली. त्या भीतीने त्याने तेथून पाल काढला. यानंतर आरोपी कोयते घेऊन त्याच्या पाठीमागे लागले.(Pune murder Case)
जीव वाचवण्यासाठी सिद्धार्थ गणेश पेठेतील ओसवाल बिल्डिंगच्या छतावर चढला. आरोपींनी त्याला एकटे गाठून सपासप वार करून त्याचा निर्घृण खून केला. किरकोळ वादामधून तरुणावर कोयत्याने वार करत खून केल्याची महिती आहे. याप्रकरणी फरासखाना पोलिसांनी दोघांना ताब्यात घेत त्यांच्यावर खुनाचा गुन्हा दाखल केला आहे. (Koyta gang)
