Manchar Accident | मंचर, (पुणे) : मेंगडेवाडी (ता. आंबेगाव) ग्रामपंचायत हद्दीतील देशमुख वस्ती परिसरात दोन दुचाकीत झालेल्या भीषण अपघातात एकाचा जागीच मृत्यू झाला. तर एकजण गंभीर जखमी झाल्याची घटना घडली आहे. शुक्रवारी (ता. २१) रात्री साडेनऊ वाजण्याच्या सुमारास ही घटना घडली.
रामदास पिराजी शिंदे (वय- ६२, रा. आंबेगाव) असे अपघातात मृत्यू झालेल्या व्यक्तीचे नाव आहे. तर राजेंद्र संभाजी बोराटे (रा. जवळे) असे गंभीर जखमी झालेल्या व्यक्तीचे नाव आहे. त्यांच्यावर मंचर येथील खाजगी रुग्णालयात सुरू आहेत.
देशमुख वस्ती नजीक दोन्ही दुचाकीची समोरासमोर धडक…
मिळालेल्या माहितीनुसार, आंबेगाव येथील रामदास पिराजी शिंदे हे आपल्या दुचाकीला पेट्रोल भरून मेंगडेवाडी वरून जवळे आपल्या घरी जात होते. तर जवळे येथीलच राजेंद्र संभाजी बोराटे हे पण दुचाकीस पेट्रोल भरण्यासाठी मेंगडेवाडीच्या दिशेने शुक्रवारी नऊ वाजण्याच्या सुमारास जात होते. यावेळी मेंगडेवाडी- निरगुडसर रस्त्यावर देशमुख वस्ती नजीक या दोन्ही दुचाकीची समोरासमोर धडक होऊन मोठा अपघात झाला.
दरम्यान, हा अपघात इतका भीषण होता की, त्यात रामदास पिराजी शिंदे यांचा जागीच मृत्यू झाला. तर राजेंद्र संभाजी बोराटे हे गंभीर जखमी झाले. त्यानंतर त्यांना पुढील उपचारासाठी मंचर खाजगी करण्यात दाखल करण्यात आले.
मयत झालेले रामदास शिंदे यांच्या मागे दोन मुले एक मुलगी, सून, नातवंडे असा परिवार आहे.
अधिक बातम्या वाचण्यासाठी येथे क्लिक करा….!
