Loni Kalbhor लोणी काळभोर, ता. २ : महाराष्ट्र दिनाच्या सकाळी लोणी काळभोरमध्ये थरारक अपघाताची घटना घडली. अल्पवयीन मुलाने भरधाव वेगात ‘थार’ गाडी चालवत नियंत्रण गमावल्याने पोलीस ठाण्यासमोर उभ्या असलेल्या तब्बल १७ दुचाकींना जोरदार धडक देत मोठे नुकसान केले. सुदैवाने या अपघातात कोणतीही जीवितहानी झाली नाही. Loni Kalbhor
वाहन मालक नवनाथ पंडित सातव (रा. तांबेवस्ती, केसनंद, ता. हवेली, जि. पुणे) यांच्याविरोधात गुन्हा दाखल करण्यात आला आहे.या प्रकरणी पोलीस हवालदार संतोष तांदळे यांनी सरकारच्या वतीने लोणी काळभोर पोलीस ठाण्यात फिर्याद दिली आहे. Loni Kalbhor
वरिष्ठ पोलीस निरीक्षक राजेंद्र पन्हाळे यांनी दिलेल्या माहितीनुसार, १ मे रोजी पहाटे नवनाथ सातव यांच्या मालकीची महिंद्रा कंपनीची ‘थार’ (एमएच १२ व्हीव्ही ४१४१) ही गाडी त्यांच्या नात्यातील १७ वर्षीय अल्पवयीन मुलाला देण्यात आली होती. तो आपल्या तीन मित्रांसह तीर्थक्षेत्र रामदरा येथे दर्शनासाठी गेला होता. दर्शन करून परतत असताना सकाळी सुमारे सात वाजण्याच्या सुमारास लोणी काळभोर गावातील दत्त मंदिर ते लोणी फाटा दरम्यान, पोलीस ठाण्यासमोर येताच चालकाचे वाहनावरील नियंत्रण सुटले.Loni Kalbhor
भरधाव वेग आणि बेदरकार वाहनचालना यामुळे थार थेट रस्त्याच्या कडेला उभ्या असलेल्या दुचाकींवर आदळली. या धडकेत शासकीय व खाजगी मिळून एकूण १७ दुचाकींचे मोठे नुकसान झाले. विशेष म्हणजे, चालक अल्पवयीन असून त्याच्याकडे वैध परवाना नसतानाही वाहन देण्यात आल्याने वाहन मालकावरही गुन्हा दाखल करण्यात आला आहे. या घटनेमुळे परिसरात एकच खळबळ उडाली असून निष्काळजीपणाबाबत प्रश्न उपस्थित होत आहेत. Loni Kalbhor
