लोणी काळभोर, (पुणे) : पुणे- सोलापूर महामार्गावर कदमवाकवस्ती (ता. हवेली) ग्रामपंचायत हद्दीत मोटारसायकल दुभाजकाला धडकून झालेल्या अपघातात लोणी काळभोर येथील ३५ वर्षीय इसमाचा मृत्यू झाला आहे. तर त्याच्या पाठीमागे बसलेला आणखी एक इसम किरकोळ जखमी झाल्याची घटना गुरुवारी (ता. ०९) मध्यरात्री सव्वा बारा वाजण्याच्या सुमारास घडली आहे.
हुसेन खान अब्दुल कादिर जमादार (वय- ३५, रा. लोणी काळभोर, ता. हवेली) असे अपघातात मृत्यू झालेल्या इसमाचे नाव आहे. तर अनिल यादव असे किरकोळ जखमी झालेल्या व्यक्तीचे नाव आहे.
मिळालेल्या माहितीनुसार, हुसेन खान व अनिल यादव हे दोघेही लोणी काळभोर ग्रामपंचायत हद्दीत राहतात. गुरुवारी संध्याकाळी सव्वा बारा वाजण्याच्या सुमारास पुणे- सोलापूर महामार्गावरून पुण्याकडून लोणी काळभोरच्या दिशेने निघालो होते.
हुसेन शेख याचे दुचाकीवरील नियंत्रण सुटले व दुचाकी थेट रस्ता दुभाजकावर आदळली. यामध्ये हुसेन याच्या डोक्याला , छातीला मोठ्या प्रमाणात मार लागला. त्याला तात्काळ लोणी काळभोर येथील एका खाजगी रुग्णालयात दाखल करण्यात आले मात्र त्याचा मृत्यू झाल्याची माहिती डॉक्टरांनी दिली.
