Kolhapur News : कोल्हापूर : कोल्हापूरातून एक धक्कादायक बातमी समोर आली आहे. जुगार अड्ड्यावर पोलीसांनी छापा टाकल्यांनतर पोलीस पकडतील या भीतीने दोघांनी इमारतीवरून उडी मारली यामध्ये एका तरुणाचा जागीच मृत्यू झाला आहे तर एक जखमी झाला आहे. कोल्हापुरातील राजेंद्रनगर परिसरात हा प्रकार घडला आहे.
राजेंद्रनगर परिसरातील प्रकार
साहिल मिनेकर असे मृत्युमुखी पडलेल्या तरुणाचे नाव आहे. तर दत्तात्रय देवकुळे हा तरुण जखमी झाला आहे.
मिळालेल्या माहितीनुसार, रविवारी रात्री कोल्हापुरातील राजेंद्रनगर येथील एका दुमजली इमारतीमध्ये काही तरुण जुगार खेळत होते. याबाबत पोलीसांनी माहिती मिळताच त्यांनी रात्री अकरा वाजताच्या सुमारास छापा टाकला. (Kolhapur News) दरम्यान पोलीसांनी बघताच जुगार खेळणाऱ्या तरुणांची पळापळ झाली यावेळी पोलीस पकडतील या भीतीने साहिल आणि दत्तात्रय या दोन युवकांनी इमारतीच्या दुसऱ्या मजल्यावरुन थेट खाली उडी मारली. त्यावेळी दगडावर डोके आपटल्याने साहिल मिनेकरचा जागीच मृत्यू झाला, तर दत्तात्रय देवकुळे जखमी झाला.
पोलिसांनी साहिलचा मृतदेह शवविच्छेदनासाठी शासकीय रूग्णालयात पाठवला असून दत्तात्रयला उपचारासाठी खासगी रुग्णालयात दाखल करण्यात आले आहे. (Kolhapur News) साहिल एका खासगी फायनान्स कंपनीत काम होता. त्याच्या पश्चात आई-वडील, पत्नी आणि दोन मुले, असा परिवार असल्याची माहिती आहे. पुढील तपास पोलीस करत आहेत.
साहिलचा मृत्यू झाल्याचे कळताच राजेंद्रनगर येथील तरुणांनी आणि नातेवाईकांनी सीपीआरच्या आवारात गर्दी केली होती. त्यामुळे काही काळ येथे तणाव निर्माण झाला होता. अचानक घडलेल्या घटनेमुळे कुटुंबीयांनी येथे हंबरडा फोडला.
अधिक बातम्या वाचण्यासाठी येथे क्लिक करा :
Kolhapur News : मुख्यमंत्र्यांच्या कोल्हापूर दौऱ्यावरून राजकीय वादळ; हिंसाचाराचे पडसादही उमटणार?
Kolhapur News : शांतता राखण्यासाठी नागरिकांनी प्रशासनाला सहकार्य करावे : जिल्हाधिकारी
Kolhapur News : कोल्हापूर हिंसाचार! विरोधीपक्षनेते अजित पवारांची प्रतिक्रिया म्हणाले…
