पुणे : पेशाने डॉक्टर असलेल्या सावकाराने पैशाच्या हव्यासासाठी एका व्यक्तीचे अपहरण करून जबर मारहाण केल्याची घटना शिक्रापूर (ता. शिरुर) येथे नुकतीच उघडकीस आली आहे.
सागर सासवडे असे सावकाराचे नाव असून महिलेने तक्रार दाखल केल्यानंतर सावकराविरोधात गुन्हा दाखल करण्यात आला आहे. तर एकाला अटक करण्यात आली आहे.
पोलिसांनी दिलेल्या माहितीनुसार, महिलेने जावयाची अडचण दूर करण्यासाठी सावकाराकडून १० लाख रुपये व्याजाने घेतले होते. ही रक्कम घेताना जमीन गहाण ठेवली होती त्याची परत फेड व्याजासह १२ लाख रुपये देऊन संपूर्ण फेडले होते.
मात्र, सावकाराने त्याचा फायदा घेत तिने गहाण ठेवलेली जमीन परत दिली नाहीच उलट तिच्या जावयाचे अपहरण करून त्याला बेदम मारहाण केली. या त्रासाला कंटाळून अखेर संबधित महिलेने त्या सावकाराविरोधात तक्रार दाखल केली. पोलिसांनी घटनेची गंभीर दखल घेत संबंधित सावकारावर गुन्हा दाखल केला आहे.
दरम्यान, संबधित सावकार हा पेशाने डॉक्टर असल्याची माहिती समोर आली आहे. डॉक्टर असूनही पैशांच्या हव्यासापोटी त्याने हे कृत्य केले असून सावकारीतून त्याने फसवणूक आणि सावकारकीचा गुन्हा पोलिसांकडून दाखल करण्यात आला आहे.
