Khed News | राजगुरुनगर, (पुणे) : झाडावरील आंबे काढायला गेलेल्या सेवानिवृत्त पोलीसाचा विजेचा शॉक लागून जागीच मृत्यू झाल्याची दुर्दैवी घटना घडली आहे. सोमवारी (ता. १६) दुपारी अडीच वाजण्याच्या सुमारास राजगुरुनगर येथे घडली आहे.
मारुती सिताराम घुमटकर (वय ६५ रा. माळी मळा, वाडा रोड राजगुरुनगर, ता खेड) असे मृत्यू झालेल्या सेवानिवृत्त पोलिसाचे नाव आहे.
झाडाच्या फांद्यातून विद्युत वाहक तारा…
खेड पोलिसांनी दिलेल्या माहितीनुसार सेवानिवृत्त पोलीस घुमटकर हे दुपारी अडीच वाजण्याच्या सुमारास त्यांच्या घराशेजारील झाडावर आंबे काढण्यासाठी चढले होते. या आंब्याच्या झाडाच्या फांद्यातून विद्युत वाहक तारा गेलेल्या होत्या. विद्युत वाहक तारा लक्षात न आल्यामुळे आंबे काढत असताना अचानक विजेचा जोरदार शॉक बसला.
दरम्यान, या घटनेत घुमटकर झाडावरुन खाली पडून जागीच मृत्यू झाला. या दुर्दैवी घटनेमुळे राजगुरुनगर परिसर हळहळ व्यक्त होत आहे.
अधिक बातम्या वाचण्यासाठी येथे क्लिक करा….!
Khed News : सलूनच्या दुकानात नंबर लावण्यावरून वाद ; दोघांना बेदम मारहाण, चाकण परिसरातील घटना..
Khed News : दबा धरून बसलेल्या बिबट्याचा ६ वर्षीय मुलीवर हल्ला ; आंबेगाव परिसरातील घटना..!
