कर्जत : कर्जत पोलीस ठाण्याच्या हद्दीत तरुणाला मारहाण करून फरार झालेल्या १४ आरोपींना कर्जत पोलिसांनी अटक केली आहे.
सोहेल शौकत पठाण (वय- २८), अरबाज कासम पठाण (वय-२५), शाहरुख आरिफ पठाण (वय-२८), इलाई महबुब शेख (वय-२०), टिपु सरिम पठाण (वय-१८), साहिल शौकत पठाण (वय-२३), हर्षद शरीफ पठाण (वय-२०, वरील सर्व रा. लोहार गल्ली, कर्जत), निहाल इब्राहिम पठाण (वय २०) आकिब कुदरत सय्यद (वय-२४) रा. हनुमानगल्ली कर्जत, ता. कर्जत, जि. अहमदनगर), जुनेद जावेद पठाण (वय- १९ ) हुसेन कासम शेख (वय- ४०, रा. पिंपळे गुरव अरुण कंट्रक्शन च्या पाठीमागे पिंपरी चिंचवड) अरबाज अजित शेख (वय- २४ रा. पारगाव ता. दौंड) व दोन अल्पवयीन मुले अशी अटक करण्यात आलेल्या १४ आरोपींची नावे आहेत.
कर्जत पोलीस ठाण्याचे वरिष्ठ पोलीस निरीक्षक चंद्रशेखर यादव यांनी दिलेल्या माहितीनुसार, कर्जतमध्ये सनी पवार या युवकाला एका टोळक्याने जबर मारहाण केली होती. याप्रकरणी पोलिसांनी सहा आरोपींना अटक केली होती. त्यांच्याकडून गुन्ह्यात वापरलेली एक चारचाकी गाडी पोलिसांनी जप्त केली आहे. तसेच दोन आरोपींना अतिरिक्त जिल्हा व सत्र न्यायालय श्रीगोंदा न्यायालयासमोर हजर केले असता, त्या आरोपींना १० ऑगस्ट पर्यंत पोलीस कोठडी सुनावण्यात आले आहे.
दरम्यान, सदर गुन्ह्यातील पोलिसांनी आणखी आठ आरोपींना ताब्यात घेतले आहे. आरोपी सोहेल पठाण,अब्रार ऊर्फ अरबाज पठाण, जुनैद पठाण, हुसेन शेख आणि अरबाज शेख यांना अतिरिक्त जिल्हा व सत्र न्यायालय श्रीगोंदा न्यायालयासमोर हजर केले असता, त्या आरोपींना १० ऑगस्ट पर्यंत पोलीस कोठडी सुनावण्यात आले आहे. सदर गुन्ह्याचा पुढील तपास कर्जत हे करीत आहेत.
सदरची कारवाई कर्जत विभागाचे उपविभागीय पोलीस अधिकारी अण्णासाहेब जाधव यांच्या मार्गदर्शनाखाली कर्जत पोलीस ठाण्याचे वरिष्ठ पोलीस निरीक्षक चंद्रशेखर यादव,सहाय्यक पोलीस निरीक्षक सतिष गावीत, पोलीस उपनिरीक्षक अमरजित मोरे, भगवान शिरसाठ, अनंत सालगुडे, पोलीस नाईक संतोष धांडे, शाम जाधव, ईश्वर माने, सचिन वारे, देवा पळसे, अमित बरडे आणि मनोज लातुरकर यांच्या पथकाने केली आहे.
