कर्जत : कर्जत पोलीस ठाण्याच्या हद्दीत तरुणाला मारहाण करून फरार असलेल्या सहा आरोपीना कर्जत पोलिसांनी शिताफीने पाठलाग करून ताब्यात घेतले आहे.
सोहेल शौकत पठाण (वय- २८), अरबाज कासम पठाण वय २५ दोघेही रा. लोहार गल्ली), जुनेद जावेद पठाण (वय- १९ ) हुसेन कासम शेख (वय- ४०, रा. पिंपळे गुरव अरुण कंट्रक्शन च्या पाठीमागे पिंपरी चिंचवड, अरबाज अजित शेख (वय- २४ रा. पारगाव ता. दौंड) व एक अल्पवयीन अशी अटक करण्यात आलेल्या आरोपींची नावे आहेत.
त्यांच्याकडून गुन्ह्यात वापरलेली एक चारचाकी गाडी पोलिसांनी जप्त केली आहे. तसेच दोन आरोपींना अतिरिक्त जिल्हा व सत्र न्यायालय श्रीगोंदा न्यायालयासमोर हजर केले असता त्या आरोपींना १० ऑगस्ट पर्यंत पोलीस कोठडी सुनावण्यात आले आहे.
पोलिसांनी दिलेल्या माहितीनुसार, कर्जतमध्ये एका सनी पवार या युवकास काही मुलांच्या टोळक्याने जबर मारहाण केली होती. त्यामधील दोन आरोपी कर्जत पोलिसांनी अटक केली. तसेच जुनेद पठाण व एक अल्पवयीन आरोपी यांना पिंपरी चिंचवड या ठिकाणाहून ताब्यात घेतले असून त्यांना मदत करणारे हुसेन शेख व अरबाज शेख यांना पिंपळे गुरव अरुण कंट्रक्शन च्या पाठीमागे पिंपरी चिंचवड, येथून
स्थानिक गुन्हे शाखेचे पोलीस निरीक्षक अनिल कटके सहाय्यक पोलीस निरीक्षक गणेश इंगळे पोलीस हवालदार सुनील चव्हाण बबन मखरे दत्ता हिंगडे सागर ससाने जालिंदर माने बबन बेरड यांनी चिंचवड पुणे येथून मोठ्या शिताफीने मध्यरात्री ताब्यात घेतले.
दरम्यान, दोघांनाही कर्जत पोलीस ठाण्यात हजर केल्याने दोघांनाही सदर गुन्ह्यात अटक करण्यात आली आहे. सदर गुन्ह्या करून पळून जाण्यासाठी वापरलेली एक चारचाकी गाडी जप्त केली आहे. आरोपींचा शोध घेण्यासाठी वेगवेगळ्या टीम तयार केलेल्या असून इतर फरार आरोपींचा शोध सुरू आहे.
सदरची कारवाई स्थानिक गुन्हे शाखेचे पोलीस निरीक्षक अनिल कटके, सहाय्यक पोलीस निरीक्षक गणेश इंगळे, पोलीस हवालदार सुनील चव्हाण, बबन मखरे, दत्ता हिंगडे, सागर ससाने, जालिंदर माने, बबन बेरड, कर्जत चे पोलीस निरीक्षक चंद्रशेखर यादव, पोलीस उपनिरीक्षक सतीश गावित अमरजित मोरे, अनंत सालगुडे, भगवान शिरसाठ पोलीस जवान संभाजी वाबळे, भाऊसाहेब काळे, शाहूराजे टिकते यांच्या पथकाने केली आहे.
